Овен

Децата родени во овој знак воопшто не е лесно да се контролираат, а кога ќе се обидете да ги дисциплинирате, најверојатно ќе наидете на бес.

Сепак, доколку ги третирате со нежност и љубов, нивниот гнев нема да трае долго.

Бик

Малите Бикови обожуваат да се гушкаат и галат, но понекогаш знаат да бидат негативни и тврдоглави.

Доколку се обидете да ги дисциплинирате, тие веројатно ќе се повлечат, ќе станат нерасположени и ќе се спротивстават на наредбите на секој можен начин, но многу лесно ќе ве послушаат и ќе го направат она што го барате од нив, доколку тоа го побарате на нежен начин.

Близнаци

Воспитувањето на децата родени во знакот Близнаци е забавно бидејќи тие се многу бистри и активни.

Сепак, тие реагираат многу негативно кога ќе го кренете гласот, така што ќе постигнете најдобри резултати ако комуницирате со нив на разумен начин – тогаш постојат многу поголеми шанси дека ќе го подобрат своето однесување, пишува Тајмс оф Индија.

Рак

Децата Ракови сакаат да се галат, нежни се и обично добро го прифаќаат дисциплинирањето.

Меѓутоа, кога сакате тие да коригираат некое однесување, треба да се однесувате нежно со нив бидејќи тие имаат силно независно мислење и индивидуалност. Кога ќе ги убедите дека тоа што го барате од нив е добро, тие ќе се согласат.

Лав

Децата родени во знакот Лав се разиграни, активни и имаат бројни лидерски особини.

Затоа најдобро реагираат ако ги дисциплинирате истовремно и строго, и со љубов. Секако, тие подобро реагираат на љубов и внимание отколку на некои груби методи на дисциплина.

Девица

Малите девици се секогаш внимателни, брзи, а сепак некако мирни и присебни во споредба со другите деца.

Најдобар начин да се задржи нивното однесување под контрола е преку разумна комуникација и внимание. Кога ќе ги дисциплинирате нежно, со љубов, тие добро реагираат бидејќи се мудри и емотивно стабилни.

Вага

На родителите не им е лесно да ги дисциплинираат децата родени во знакот Вага, но најдобриот начин е да им покажувате љубов секојдневно и да им давате разумни причини за дисциплинирање.

Повремените недоразбирања и расправиите се сосема природни, но не се чести бидејќи децата Ваги се љубезни и смирени по природа, па се согласуваат на корекции во однесувањето кога ќе им ги презентирате на смирен начин.

Скорпија

На малите Скорпии им е потребна постојана и цврста дисциплина. Доколку условно кажано, ги држите под контрола, тие ќе можат секого да импресионираат со нивниот брилијантен ум и одличниот карактер.

Меѓутоа, во дисциплинирањето треба да „вмешате“ и многу љубов и приврзаност, бидејќи во спротивно детето ќе се повлече во себе.

Стрелец

Овие деца воопшто не сакаат да следат правила, но бидејќи се желни да научат и да разберат сè, обидете се на логичен начин да им објасните зошто е важно да се следат одредени правила.

Подгответе се за негативна реакција ако им пристапите на авторитативен начин и имајте на ум дека тие подобро ќе реагираат ако разговарате со нив на пријателски начин.

Јарец

Дисциплинирањето на децата родени во знакот Јарец најдобро функционира кога постојано ги фалите и охрабрувате.

Поттикнувањето игра важна улога во дисциплинирањето на децата родени во овој знак, па така најдобро е паралелно со поправањето на одредено однесување да работите и на подобрувањето на самодовербата на детето – тоа ќе даде најдобри резултати.

Водолија

Децата родени во знакот на Водолија се природно љубопитни и интелигентни, па затоа треба постојано да бидат зафатени и окупирани со нешто.

Кога се обидувате да поправите некое однесување на малата Водолија, најдобро е истото да го објасните со некои практични причини.

Риба

Децата родени во знакот Риби бараат многу внимание и љубов, а жестоко се спротивставуваат на какви било ограничувања доколку не им се допаѓаат.

Најдобар начин да го дисциплинирате детето од овој знак е со сочувство, трпение и нежност. За да постигнете најдобри резултати, бидете нежни и мудри „водачи“ на овие малечки.