"Зошто? Само некои од нив имаат здрав однос кон себе. Имено, повеќето луѓе имаат токсичен однос со себе. Тие се премногу самокритични, што психологијата го категоризира како самоомраза", објаснила Сепала за „CNBC“.

Според психологот, можеме да препознаеме омраза кон себе ако забележиме дека користиме пет токсични фрази во нашите разговори со себе, кои ги наведуваме подолу.

„Не сум доволно добар“

Според истражувањата, оваа фраза е деструктивна и нè прави анксиозни и депресивни.

„Никогаш нема да успеам во ова. Зошто да се мачам?“

„Ова не само што е деморализирачко, туку и научно неточно. Мозокот е флексибилен и може да продолжи да се менува и да се развива и во староста, феномен што невронаучниците го нарекуваат невропластичност. Можете да ја промените кариерата на 50 години, а можете да почнете да свирите пијано на 80 години. Возможно е да учите нови работи во секое време и со вежбање, можете да бидете подобри во речиси сè“, вели Сепала.

„Јас сум дефиницијата за неуспех“

Ова е уште еден пример за деструктивно верување.

"Дури и ако не сте постигнале одредени цели во одредени области од вашиот живот, тоа не значи дека сте потфрлиле во сè. Ниту пак дека неизбежно ќе доживеете неуспех во иднина или дека вие самите сте неуспех". вели психологот.

„Не можам да верувам дека го направив тоа. Толку сум глупав“

Единствениот начин на кој некој учи, без разлика дали е генијалец или мало дете, е да си дозволи да се обидува и да прави грешки. Една студија покажа, на пример, дека грешките што ги прават учениците додека учат може да им помогнат да учат подобро. Според Сепала, истражувањето покажало дека луѓето не ве осудуваат толку остро како што мислите кога ќе направите грешка.

„Не сум толку добар како другите“

"Кога се споредувате со другите, лесно е да се чувствувате како да не се вклопувате. Тоа не е точно бидејќи секој е различен и единствен", вели психологот.