Емоциите ги откриваат нашите внатрешни состојби и како во одреден момент се чувствуваме.
И додека некои од нас се помирни, посталожени, други се поимпулсивни и поексплозивни и не сакаат да чуваат ништо во себе.
Од емоциите не може никој да побегне и колку некој да ги негира чувствата, факт е дека сите ги имаме емоциите, но не ги покажуваме на ист начин.
Доколку некој сте запознале како вистинска „енциклопедија на чувствата“, но сепак чувствата ги чуваат подалеку од сите, тоа е така поради положбата на ѕвездите, велат астролозите.
Проверете дали и вие сте меѓу оние хороскопски знаци кои ретко ги покажуваат емоциите и делуваат како санта мраз кога сте во нивно друштво.
Шкорпиите по природа се мистични, но и мирни и ладни за оние кои ги набљудуваат од страна. Тие се мајстори за криење на емоциите. Овој знак од хороскопот е многу внимателен и на многумина им делува како детектив затоа што внимателно бира пред кој ќе ги открие своите чувства. Шкорпиите немаат доверба во секој и често поради стравот да не бидат исмеани, ги потиснуваат своите чувства и попрво ги чуваат во себе. На другите им делуваат мистично и таинствено и поради тоа околината ги доживува како фантастични.
Јарците се најголемите работозависници во хороскопот, но истовремено и најсериозни по природа, исклучително се воздржани поради што се вистински мајстори на криење на емоциите. Иако често делуваат дистанцирано и ладно зад тоа се крие топло срце кое допира многу работи. Во состојба се да ги скријат своите емоции под површина и тие се вистински предизвик за оние кои се обидуваат да одгатнат за што тие размислуваат. Иако нивната околина се обидува на разни начини да допре до нив, студенилото на Јарците другите ги остава збунети мислејќи дека се незаинтересирани и ладни.
Водолиите, како индивидуалци и независен знак на хороскопот често оставаат впечаток дека се дистанцирани кога станува збор за емоциите. Тие се трудат да ги скријат своите чувства поради страв дека ќе ја изгубат својата слобода и автономија. Таинственоста може да биде предизвикувачка, но и привлечна затоа што никогаш не се знае што кријат зад онаа слика која ја претставуваат пред јавноста.