Ова е листата на најретки датуми на раѓање: Еве на кои денови во годината на свет доаѓаат најмалку бебиња

Да славите роденден на 29 февруари е вистинска реткост. Ова не е изненадување кога станува збор за овој датум, зошто тој се појавува во текот на секоја престапна година, односно на секои четири години.

Со оваа оцена се согласува и „World of Statistics“ којшто ја објавил листата на најчести родендени во светот, а токму 29 февруари се нашол на последно место.

На листата најретки родендени на светот често се наоѓаат државни празници. Католички Божиќ или 25 декември е вториот најредок датум за роденден на светот, а следи 1 јануари, односно Нова година.

Овие датуми во добар дел од западниот свет се сметаат за неработни денови, тогаш во болница работат само дежурните доктори и децата се раѓаат само по природен пат. Доколку докторот треба да закаже породување со царски рез однапред, ќе го направи тоа пред или после божиќните празници.

Иако крајот на ноември и декември е популарно време за зачнување, во овој период воопштено се раѓаат помал број на деца за што говори и оваа студија. Спроти тоа, септември е месец во којшто се раѓаат најголем број деца.

Дали сте меѓу оние кои имаат најредок роденден на светот? Во продолжение откријте кои се 10-те датуми во годината кога се раѓаат најмалку бебиња.

29 февруари

25 декември

1 јануари

24 декември

4 јули

2 јануари

26 декември

27 ноември

23 ноември

25 ноември