Повеќето луѓе сакаат да експериментираат со вкусови, и да додаваат крем за готвење и разни зачини на карбонара, но Италијанците сметаат дека ова е голем грев.

Доколку ви се допаѓа ова јадење, ви предлагаме да го подготвите токму онака како што тоа го прави врвниот готвач Џејми Оливер.

Состојки:

- 200 гр. шпагети;
- 150 гр. сланина;
- 3 жолчки;
- 40 гр. пармезан;
- бибер, сол;
- маслиново масло;
- 1 чешне лук.

Подготовка:

Во сад ставете ги жолчките, па додајте пармезан и бибер и сè убаво изматете.

Шпагетите сварете ги според упатството на пакувањето во солена вода. Сланината исецкајте ја ситно, па пропржете ја на малку маслиново масло.

Отстранете ја сланината, а потоа пропржете го лукот во истата тава. Кога ќе ја ослободи водата, можете да го фрлите лукот.

Во истото тавче ставете ги шпагетите и малку од водата во која се варени.

Тргнете ја тавата од шпоретот, па додајте ги јајцата со пармезанот и сè убаво измешајте. Додадете ја сланината и уште малку од водата во која се варени шпагетите.

Над тестенините посипете уште пармезан и уживајте во вкусот.