Мора да го пробате: Брзо и неодоливо печиво без квасец
Немате време да направите класичен леб, а не сакате да одите ни во пекара? Идеално решение е наан, индиски леб, кој брзо ќе го подготвите, а не ви треба квасец.
Наан е индиски леб кој најмногу наликува на лебот. Постојат многу рецепти за него, а овој е еден од наједноставните - потребни ви се само неколку состојки и вкупно половина час од вашето време.
- 200 гр мазно брашно
- 1 кесичка прашок за пециво
- 280 гр течен јогурт
- сол
- 2 лажици масло
Во поголем сад измешајте ги брашното, солта и прашокот за печиво. Додадете јогурт и замесете тесто.
Префрлете се на малку набрашнета површина и месете 2 до 3 минути додека не се изедначи. Во случај да ви се лепи, додадете уште брашно.
Веднаш развлечете го тестото и поделете го на осум еднакви делови. Секое парче лесно набрашнете го. Најдобро е да се дебели приближно 6 мм.
Потоа малку подмачкајте ја тавата и загрејте ја на средна топлина. Најдобро е да испечете по два наани, а пред да ги ставите на тавата, развлечете ги уште малку со рацете. Немојте да мислите дека се премногу тенки, бидејќи ќе нараснат малку за време на печењето поради прашокот за пециво.
Печете ги додека не добијат меурчиња и додека не поруменат - околу 4 минути. Свртете и печете уште 2 до 4 минути од другата страна. Постапката повторете ја со преостанатото тесто.
