Уште едно неверство во кланот Кардашијан-Џенер: Тристан повторно ја изневерил Клои, овој пат со пријателка на Кајли
Како што пренесува TMZ, Клои Кардашијан ја прекинала врската со таткото на нејзината ќерка Тру, поради неговото повторно неверство.
Овој пат прекинувањето најверојатно е конечно, бидејќи во приказната е замешана и најдобрата другарка на Кајли Џенер, Џордин Вудс.
Инстаграм страницата „Hollywood Unlocked“ објавила видео во кое пренесуваат дека еден од нивните репортери бил на забава во куќата на Тристан Томпсон и сведочел на неговото флертување со Џордин, која од забавата си заминала во 7 наутро.
Објавата ја искоментирала и самата Клои, но и нејзините најдобри пријателки Малика Хак и Ларса Пипен, кои потврдиле дека сето тоа е вистина.
Што се однесува до Кајли, таа сè уште е во големо неверување, но, како што пренесува Cosmopolitan, исто така планира да го прекине пријателството со Џордин, што за неа е прилично тежок чекор, со оглед на тоа дека моментално живеат заедно.
Инаку, никој од семејството Кардашијан - Џенер сè уште не престанал да ги следи Тристан и Џордин на социјалните мрежи.
