[ФОТО] Ди Каприо снимен на плажа без маица: На социјалните мрежи се нижат немилосрдни коментари поради неговиот изглед

Фотографиите од плажата брзо се проширија на социјалните мрежи, а поголемо внимание привлече изгледот на Ди Каприо отколку романтичниот одмор. Актерот е снимен без маица, а папараците го забележале неговиот забележливо заоблен стомак, што британските таблоиди веднаш го искоментираа како негово „dad body“ (тело на татко).

Дел од корисниците на мрежата Х беа немилосрдни, а еден од нив порача:

„Леонардо Ди Каприо веројатно е најмрзливата ѕвезда. Ако сакаш да те гледаат во јавноста додека шеташ со супермодел, најмалку што можеш да направиш е малку да вежбаш. Изгледа како целосен хаос“.

Некои се чуделе зошто изгледа како бракот да го прегазил, иако е во врска со манекенка 23 години помлада од него, додека други се прашуваа што му се случило.

Сепак, не сите биле толку остри. Под една од објавите со фотографиите, еден корисник напишал дека тоа е сосема прифатливо тело за човек на возраст на Ди Каприо, а други забележале дека и холивудските ѕвезди изгледаат како обични луѓе.

На Хаваите не отпатувале само заради одмор. Како што пренесува магазинот „Hello!“, дизајнерката на накит Џенифер Мајер (49) се омажила за музичкиот менаџер Џефри Огунлеси (34) во одморалиштето „Four Seasons Resort Lanai“ во саботата, на 10 октомври. Посебна улога имал нејзиниот поранешен сопруг, актерот Тоби Мегваер, кој ја водел церемонијата.

Мајер и Мегваер ја добиле ќерката Руби во 2006 година, се венчале на Хаваите една година подоцна, а синот Отис се родил во 2009 година. Разделбата ја објавија во 2016 година, но останале во добри односи.

Покрај Ди Каприо и Черети, меѓу гостите биле и Кортни Кокс, Кејт Хадсон со партнерот Дени Фуџикава и стилистката Рејчел Зои, а присуствувала и Џенифер Анистон.