Диего Симеоне беше составен дел од речиси секој натпревар на Аргентина на Светското првенство, а како голем фан на националниот тим, сега доби шанса да зборува и за човекот кој ги одбележа изминатите две децении.
Чоло немаше можност да биде на „Монументал“ за испраќањето на Лионел Меси поради обврските кои ги има како тренер во Атлетико Мадрид, но денеска го искористи излагањето во јавноста за да му се обрати на својот сонародник.
Симеоне е голем фан на Меси и низ годините му даваше максимална поддршка на капитенот, за кого денеска зборуваше со избрани зборови и во моменти кога еден новинар побара од него да избере подобар од Лео и Диего Марадона.
❤️🇦🇷 "Los ARGENTINOS hemos tenido a los 2 MEJORES de la HISTORIA".
💪 "Messi nos enseñó que cuando las cosas vienen mal, hay que pelear".
Simeone, tras la despedida del '10' con la albiceleste. https://t.co/z3hwJhXpWZ
— El Chiringuito TV (@elchiringuitotv) October 9, 2026
– Марадона или Меси за финален меч? Нема да навлегувам во таа игра на бирање меѓу едниот и другиот. Имав среќа да играм со Марадона, но немав можност да играм со Меси. Ние, Аргентинците, сме благодарни што ги имавме двајцата најдобри фудбалери во историјата на оваа игра.
– Меси ги урна сите замисливи и незамисливи граници, а притоа се што правеше, го правеше со неверојатна понизност и почит. Многу е тешко да го правите тоа 20 или 25 години. Како Аргентинец, сакам да му се заблагодарам за сè што ни даде, но пред сè, што нè научи како да се бориме. Нè научи да продолжиме напред и кога е тешко. Тоа е најголемата вредност на која не научи Меси, барем тоа важи за мене, – изјави Симеоне со насолзени очи.
