Двата порази од Швајцарија и Словенија на стартот на новата сезона во Лигата на нации го натераа Гоце Седлоски да испроба со промена на системот, па така на третиот меч во Б дивизијата ќе го гледаме нашиот тим во формација 3-5-2.
Целта е нашиот национален тим да има побројна и поцврста одбрана оваа вечер во дуелот со Шкотланѓаните, па така пред Димитриевски ќе гледаме тројца стопери, како и двајца бекови кои повремено ќе сочинуваат систем со пет дефанзивци.
Мелиќи, Младеновски и Муслиу се поставени како стопери пред голманот Димитриевски, Станковски и Гаштаров се во средниот ред, а таму ќе го гледаме и Барди.
Капитенот не беше дел од стартната постава против Словенија во Љубљана, но вечерва се враќа во почетните 11 и ќе делува во средниот ред заедно со Станковски и Гаштаров.
На страничните позиции во два правции ќе играа Илиевски и Ерера, а во нападот место добија Елиф Елмас и Бојан Миовски.
Стартни 11: Димитриевски, Мелиќи, Младеновски, Муслиу, Илиевски, Барди, Гаштаров, Станковски, Ерера, Елмас, Миовски
