Токму тоа повторно го докажа по вечерата во њујоршкиот ресторан „Пастис“, каде што се појавила во издание кое истовремено изгледа како создадено за домашна атмосфера, но и за вечерно излегување.

Главната ѕвезда на комбинацијата бил кадифениот комплет во топла портокалова нијанса. Дуксерот со опуштен крој и панталоните со широки ногавици непогрешливо потсетуваат на естетиката на тренирките од почетокот на 2000-тите, но Ријана ова изразено лежерно парче, кое потсетува на удобна тренирка, го „однела“ во сосема поинаква насока.

Наместо патики, кои би биле очекуван избор, таа носела елегантни сандали со тенки ремчиња и високи потпетици. Токму тој „судир“ на спортското и гламурозното ѝ го дало на целата комбинација она по што нејзиниот стил е препознатлив веќе со години.

Ниту модните додатоци не беа конвенционален избор. Во раката носела структурирана чанта во топла карамелно-кафеава нијанса, со ефект на крокодилска кожа, додека на лицето имала црвени авијатичарски очила за сонце. Изгледот го заокружила со повеќеслојни ѓердани, прстени и впечатлив црвен маникир, а долгата кадрава коса ѝ била пуштена.

Ријана едноставно не ги признава модните правила

И токму во тоа се крие тајната на нејзиниот стил. Ријана веќе со години покажува дека спортската облека не мора да биде резервирана само за патики, исто како што ниту луксузната чанта или високите потпетици не бараат задолжително елегантен фустан.

Ова лето, на пример, хеланките и предимензионираната кратка маичка со качулка ги претворила во вечерна комбинација, додавајќи шпицести „стилето“ потпетици, впечатлив ремен и моќна чанта од „Луј Витон“. Како и секогаш, Ријана трендовите како хеланки, двоен тексас или животински принт редовно ги приспособува на сопствените правила.

Ова не е ниту првпат изразено спортска облека да комбинира со обувки кои повеќето би ги оставиле за вечерен фустан. Уште во 2021 година пејачката комбинирала спортски комплет со сандали на потпетици и предимензионирана чанта „Prada Bowler“, додека во друга пригода носела широка тренирка со потпетици од „Прада“.

Плакарот на Ријана всушност со години е своевидна лабораторија за неочекувани комбинации. Таа носела „Ugg“ чизми со „Гучи“, пижами од „Прада“ како дневна облека, предимензионирано сако наместо фустан, а во една пригода љубовта кон тексасот ја пренела дури и на високи чизми изработени од истиот материјал.

Затоа ниту портокаловиот кадифен комплет, високите потпетици и чантата со ефект на крокодилска кожа всушност не изгледаат толку необично кога ги носи уникатната Ријана. Нејзината најголема модна вештина не е во тоа да ги следи трендовите, туку парчињата кои повеќето не би ни помислиле да ги спојат во иста комбинација да ги носи со таква леснотија што на крајот изгледаат како отсекогаш да си припаѓале едно на друго.