Добрата вест е дека современата стоматологија овозможува безболни и минимално инвазивни третмани. Во ДЗУ „Бабамова“ се применува методата на воздушна абразија, со која кариесот се отстранува со млаз воздух и специјален прашок, без болка, непријатен звук и вибрации. Методата е погодна и за деца и за возрасни.

Оралното здравје влијае врз целиот организам

Здравите заби не се важни само за убавата насмевка. Тие овозможуваат правилно џвакање, зборување и нормално функционирање во секојдневниот живот, а истовремено придонесуваат за поголема самодоверба и подобар квалитет на живот.

Од друга страна, хроничните воспаленија на непцата и инфекциите во усната шуплина можат да бидат поврзани со сериозни заболувања, како што се дијабетес, кардиоваскуларни болести, Алцхајмерова болест и ревматоиден артритис.

„Посетата на стоматолог не треба да биде само кога ќе нè заболи заб или ќе ни испадне пломба. Редовните прегледи, најмалку двапати годишно, овозможуваат навремено откривање и спречување на многу проблеми“, вели д-р Лиљана Бабамова од ДЗУ „Бабамова“.

Дијабетес и пародонтална болест – тесна поврзаност

Лицата со дијабетес имаат значително поголем ризик од развој на пародонтит. Истовремено, хроничното воспаление на непцата ја отежнува контролата на нивото на шеќер во крвта, создавајќи затворен круг кој негативно влијае и врз двете состојби.

Пародонтитот и срцевите заболувања

Истражувањата покажуваат дека хроничниот пародонтит е поврзан со поголем ризик од атеросклероза, коронарна срцева болест и мозочен удар. Причината е што бактериите и воспалителните процеси од усната шуплина можат да навлезат во крвотокот и да влијаат врз крвните садови.

Сè повеќе докази за врска со Алцхајмерова болест

Во последните години научните истражувања укажуваат на можна поврзаност помеѓу хроничните инфекции во усната шуплина и развојот на Алцхајмерова болест. Научниците ја истражуваат улогата на бактеријата Porphyromonas gingivalis, која се поврзува со воспалителни процеси што можат да придонесат за невродегенеративни промени.

Каква четка за заби да користиме?

Покрај правилното четкање и редовните стоматолошки прегледи, важен е и изборот на четка за заби. Стоматолозите препорачуваат четки со меки влакна, а меѓу поновите решенија се и јапонските четки со кварц „Мизуха“, кои користат влакна од природна керамика за поефикасно отстранување на наслагите и создавање чувство на полирани заби. Според производителот, за нивната употреба е потребна и помала количина паста за заби. Може да се нарачаат на contact@preventa.mk.

Превенцијата е најдобрата инвестиција

Редовната орална хигиена, правилното четкање на забите, користењето забен конец и посетата на стоматолог најмалку двапати годишно се најдобриот начин за зачувување на здравите заби.

„Колку повеќе вложуваме во превенција, толку поголеми се шансите да ги зачуваме сопствените заби и да спречиме здравствени компликации во иднина“, порачува д-р Бабамова.

Комерцијален текст