Меѓутоа, експертите тврдат дека е доволно да ги промените само првите неколку часа по будењето за да го натерате организмот да работи за вас и да слабеете, без напорно вежбање во теретана пред седум наутро.

Еве како да го натерате вашето тело да слабее без напорни вежби и да го забрзате метаболизмот.

Вода наместо кафе – одложете го омилениот напиток

Првата работа што ја правите наутро го диктира начинот на кој ќе функционира вашиот организам во текот на целиот ден. Иако мислите дека силното кафе на празен стомак ве буди, всушност тоа го дехидрира телото и го зголемува нивото на кортизол, хормонот на стресот.

Високиот кортизол му испраќа сигнал на организмот да ја зачува енергијата и така го блокира согорувањето на масти. Покрај тоа, кофеинот не го „брише“ заморот, туку само привремено ги блокира рецепторите, па сте будни само привидно.

Наместо тоа, испијте чаша чиста вода, по можност со малку лимон или сол, за да ги хидрирате органите и да го подготвите телото за согорување калории.

Омиленото кафе оставете го за период од 90 до 120 минути по будењето, а најдобро би било да го пиете дури кога ќе стигнете на работа.

Појадувајте протеини и масти, а заборавете јаглехидрати

Класичен појадок како леб со намаз, житарки со млеко или слатки печива е сигурен пат до вишок килограми. Брзите јаглехидрати нагло го зголемуваат шеќерот во крвта, телото лачи инсулин, а потоа шеќерот нагло паѓа и вие повторно огладнувате по два часа.

Долгорочно, ваквата исхрана богата со намирници со висок гликемиски индекс го зголемува ризикот од дијабетес и срцеви заболувања. Затоа избирајте појадок богат со квалитетни масти и протеини, како јајца на било кој начин, авокадо, сланина или јаткасти плодови.

Идеалната комбинација е кајгана со чери домати и авокадо и интегрален тост, или јогурт во кој ќе додадете овесни снегулки, јаткасти плодови и банана. Така ќе одржите низок ниво на инсулин, а телото ќе црпи енергија од сопствените масни наслаги.

Нахранете се со утринска светлина и лесно истегнете се

Штом ќе ги отворите очите, отворете ги завесите или излезете на тераса на неколку минути. Природната утринска светлина што допира до мрежницата на окото е клучна за запирање на производството на мелатонин, хормонот на спиењето. Ова значително ќе ја намали утринската поспаност и ќе го синхронизира вашиот внатрешен биолошки часовник, а правилниот циркадијален ритам е основа на слабеењето, бидејќи уморното тело бара калорична храна.

Потоа, заборавете на исцрпувачки тренинзи и одвојте 10 минути за лесно истегнување инспирирано од јога за да ги раздвижите мускулите и зглобовите.

Заборавете на социјалните мрежи во кревет

Повеќето луѓе штом ќе ги отворат очите го земаат телефонот во рака за да ги прелистаат мејловите и социјалните мрежи, со што несвесно го преплавуваат мозокот со информации и стрес. Тој стрес повторно го зголемува нивото на кортизол, кој е непријател број еден кога станува збор за согорување масти. Телефонот земете го во рака дури по појадокот, бидејќи светот и информациите сигурно нема да побегнат.

Туширањето завршете го со ладна вода

На крајот од утринската хигиена, свртете ја славината на ладна вода само една минута. Почнете од стапалата па нагоре. Краткото изложување на студ активира внатрешно загревање на телото, односно трошење на масните резерви, па ќе согорувате калории целосно без напор.

Совет за крај: искористете го патот до работа!

Ако сакате дополнително да го забрзате метаболизмот, не мора да трчате маратон, туку само да го промените начинот на кој одите на работа. Паркирајте го автомобилот десетина минути подалеку од канцеларијата, излезете од превозот една станица порано или, ако живеете блиску, одете пеш. Само 10 до 15 минути брзо одење во континуитет ќе го одржуваат вашиот метаболизам во оптимален ритам во текот на целиот ден, без оптоварување на зглобовите и без зголемување на нивото на стрес.