Поразот во финалето на Лигата на шампионите веќе е заборавен.
Стотици илјади навивачи на Арсенал вчера ги исполнија улиците на северен Лондон на прославата на првата шампионска титула на клубот во Премиер лигата по 22 години.
Гордо покажувајќи го трофејот, фудбалерите им мавтаа на навивачите од автобус со отворен покрив додека кружеле околу стадионот „Емирати“, пренесе „Би-Би-Си“ (BBC).
На прославата им се придружи и женскиот тим на Арсенал, кој претходно оваа сезона го освои првиот ФИФА Куп на шампиони за жени.
You can buy referees, you can fix matches, you can hide agent fees, you can breach all FFP rules but you can't buy either loyalty or respect because they are not given. THEY ARE EARNED pic.twitter.com/uK427znJy2
— zola (@zola_254) May 31, 2026
Победничката парада дојде само еден ден откако машкиот тим на Арсенал по изведување пенали загуби во финалето на Лигата на шампионите од Пари Сен Жермен.
Маси навивачи ги подаваа рацете кон автобусите додека тие се движеа по трасата на парадата.
Се вееше голем број знамиња, а играчите дополнително ја подгреваа атмосферата, повремено фрлајќи шалови на Арсенал кон навивачите.
Низ улиците одекнуваа огномети и звуци од вувузели.
Метрополитен полицијата ја нарече парадата една од своите најголеми полициски операции во текот на годината, ангажирајќи повеќе од 500 полицајци, заедно со специјализирани тимови за пребарување и дронови, како и посебна зона за растерување со цел спречување на антисоцијално однесување.
Во текот на денот, и покрај огромниот број присутни, беа забележани многу малку инциденти.
Сепак, противпожарната служба издаде предупредување до навивачите откако залутан факел предизвикал мал пожар во хотел, а околу 75 лица биле спасени од инциденти на височина.
Помошник-комесарот Пет Гулбурн, кој бил стратешки командант на настанот за Лондонската противпожарна бригада, изјави дека пожарот за среќа предизвикал само „мала штета на надворешниот дел од објектот“.
„Се верува дека пиротехничките средства ги активирале и противпожарните аларми на неколку други локации во областа. Додека навивачите се враќаат дома, ги повикуваме да избегнуваат употреба на пиротехника, особено на железничките станици, и да ја држат подалеку од згради и други запаливи материјали“, изјави Гулбурн.
Арсенал оваа година ја освои својата прва титула шампион на Англија по 2004 година, откако сезоната ја заврши на првото место на табелата во Премиер лигата со 85 освоени бодови.
