ПСЖ успеа да освои уште една титула во Лигата на шампионите под водство на Луис Енрике, а шпанскиот стручњак само го подобри ефектот и се зацврсти меѓу најуспешните тренери во најелитното европско натпреварување.
Но, тоа не значи дека популарниот „Лучо“ ќе го промени начинот на однесување и своите принципи, па уште на првата прес-конференција решил да му се извини на еден свој фудбалер.
За многумина неочекувано, но Луис Енрике јавно му се извинил на Ворен Заир-Емери, кој според него заслужил да биде дел од големото финале во Будимпешта.
Французинот доби минутажа само во продолжението, но и многу комплименти од својот тренер по шампионското славје.
– Воопшто не бев фер со Ворен, тој заслужи да биде стартер во финалето.
– Но, покажа каков карактер е, ја прифати одлуката без проблем и мора да го истакнам тоа. Во минутите кои ги доби на теренот докажа дека е голем професионалец и специјална личност, – рекол тренерот на ПСЖ.
