1 „Toyota Auris“

Многумина ја нарекуваат јапонски „Golf“. Се произведуваше од 2007 до 2019 година, ја наследи „Corolla E12“ и беше специјално прилагодена за европските купувачи. Покрај робусните VVT-i бензински мотори (99 до 147 КС), тука се и не толку сигурните D-4D дизел мотори (90 до 177 КС), како и исклучително ефикасен хибрид, со кој лесно се поминуваат 100 км со помалку од пет литри гориво. Критиките најчесто се однесуваат на непрецизниот менувач, истрошените спојки и тропањето на суспензијата поради лежишта. Некои спомнуваат и појава на ’рѓа. Што се однесува до моторите, тие најчесто траат долго без проблеми, но купување без сервисна историја е ризик, наведува „Auto Bild“.

2 „Volvo C30“

Се издвојува со интересни детали како квалитетен ентериер и стаклена врата на багажникот која потсетува на моделот „1800 ES“. Бензинските 1.6 мотори се најисплатливи, додека ретките петцилиндрични турбомотори се вистинско уживање. Вообичаени проблеми се протекување вода, истрошени носачи на мотор, а кај дизелите треба да се проверат инјекторите, турбината и EGR системот.

3 „Honda Jazz“

Купувањето на втората генерација (2008 – 2015) е многу паметна инвестиција. Паметно осмислен, овој мал автомобил нуди многу простор. Со должина од само 3,90 метри, освојува поени со практичност и квалитет. Сите погонски системи се издржливи ако редовно се сервисираат. Единствено сопирачките дискови се малку подложни на трошење.

4 „Ford C-Max“

Втората генерација е особено вредна за семејства што бараат релативно ново и пространо возило по пристапна цена. Електричниот систем е склон на проблеми (рачна сопирачка, сензори, бришачи), а акумулаторите понекогаш губат напон. "EcoBoost" моторите се моќни, но чувствителни. Суспензијата не е најробусна, а многу примероци биле службени возила.

5 „Volkswagen Caddy“

Третата генерација остана популарна поради својата функционалност. Во рамките на буџет од 5.000 евра може да се најде верзија без погон на сите тркала „4Motion“. Се препорачуваат издржливи дизел мотори со моќност од 70 до 170 КС.

6 „Suzuki Jimny“

Малиот „Jimny“ е претставник на изумрената класа мали теренци. Се истакнува со робустна конструкција и е омилен кај авантуристите. Клучен е деталниот преглед на суспензијата пред купување.

7 „BMW“ серија 5 E39

Шестцилиндричниот мотор, одличниот квалитет и балансираната суспензија го прават овој модел вистински млад класик. Типични проблеми се нецелосна сервисна историја, проблеми со ладење, истекување масло, електрични дефекти и ’рѓа. Дизел верзиите имаат застарени емисии.

8 „Mazda MX-5 NB“

Втора генерација на легендарниот роудстер. Овој модел е симбол на чисто возачко уживање со заден погон. Се произведуваше од 1998 до 2005 година и нуди минималистички дизајн и одлична динамика. Моторите (110 – 146 КС) се доволни за секојдневие. Запоставените примероци можат да имаат сериозни оштетувања од ’рѓа.

9 „Seat Exeo“

Редок модел кој всушност е базиран на „Audi A4 B7“. Го наследува квалитетот од Инголштат и претставува добра куповна можност. Проверете го ременот, одводите за вода, како и DPF и EGR вентилите кај TDI моторите. Електричниот систем е генерално сигурен.

10 „Škoda Citigo“

Најмалиот модел на „Škoda“ не е толку чест како неговиот брат „Volkswagen Up“. Достапен е со три или пет врати, бензински или електричен погон. Се издвојува како една од најпаметните инвестиции во сегментот. Лесен за маневрирање, економичен и издржлив. Моторите (1.0 MPI) се робусни ако се правилно одржувани.