„General Motors“, „Ford“ и „Stellantis“ бележат милијарди загуби од електричните возила, но платите на директорите и натаму растат.
Големите американски производители на автомобили – „General Motors“, „Ford“ и „Stellantis“ (кој во своето портфолио има брендови од САД) – се соочија со огромни загуби поради промената на стратегијата кон електрификација, но тоа не го спречи растот на платите на нивните водечки луѓе.
Во случајот на „General Motors“, компанијата очекува загуба од околу 7,9 милијарди долари поради намалените инвестиции во електрични возила.
Сепак, извршната директорка Мери Бара минатата година заработила дури 29,9 милиони долари, што е благ раст во однос на претходната година. Најголемиот дел од нејзиниот приход доаѓа од акциски награди.
Интересно, ни таа не била најплатена во компанијата – директорот за производи Стерлинг Андерсон инкасирал дури 40,3 милиони долари, главно благодарение на голем бонус при вработување.
Слична ситуација е и во „Ford“. Компанијата пријави дури 19,5 милијарди долари отписи поради EV стратегијата, со загуба од 8,2 милијарди долари – најголема од 2008 година.
Сепак, платата на извршниот директор Џим Фарли пораснала за 11 проценти, на 27,5 милиони долари. Причината? Промена на системот на бонуси, кој сега ги вклучува и хибридните возила, а не само целосно електричните модели.
Во „Stellantis“ ситуацијата е уште подраматична – компанијата забележа дури 26,2 милијарди долари загуби поврзани со електрификацијата.
Сепак, извршниот директор Антонио Филоза заработил 6,37 милиони долари, иако ја извршувал функцијата само дел од годината.
Врз основа на овие податоци може да се заклучи дека, иако електричната транзиција носи огромни трошоци и ризици, водечките луѓе во авто-индустријата и понатаму остваруваат високи заработки, со образложение дека наградите се базираат на вкупните резултати и долгорочната стратегија на компаниите.
