Сепак, за да може ова гориво да се користи низ цела Европа, потребно е да се променат постојните правила на ЕУ за квалитет на горивото.

Според информациите од германскиот весник „Билд“, претседателката на Комисијата, Урсула фон дер Лајен, им пишала на оваа тема на европските парламентарци Петер Лизе, Јенс Гизеке и Норберт Линс, кои долго време се залагаат за воведување на E20.

Во писмото таа наведува:

„Моментално, максималниот процент на етанол во бензинот е 10 проценти (E10). Комисијата ја признава важната улога на поголемите удели на биогорива во намалувањето на емисиите на постојните возила. Како дел од прегледот на правилата, ќе го разгледаме и воведувањето на E20, земајќи ги предвид можните проблеми со компатибилноста на моторот, но и потребата да се поттикнат инвестициите во напредни биогорива.

Биогорива како брзо решение

За разлика од некои други климатски мерки, E20 би можел да се воведе релативно брзо и без големи инвестиции во инфраструктура.

„Биогоривата се најбрзиот начин за намалување на цените на горивата. Ова може да се постигне веднаш и без дополнителни инвестиции. Тоа е конкретна климатска мерка што директно влијае на милиони Европејци“, речол Лизе.

Јенс Гизеке размислува слично

„Одржливите биогорива се клучни за брза и општествено прифатлива декарбонизација на транспортот. E20 е решение кое веќе функционира денес, а производители како „BMW“, „Volkswagen“ и „Mercedes“ веќе го одобрија за понови мотори“, вели Гизеке.

Норберт Линс го нагласува и проширува ефектот

„Домашното производство на биоетанол ги зајакнува руралните области и ја зголемува енергетската безбедност на Европа“, вели Линс.

Алтернатива на дизелот е исто така во игра

Дебатата за биогоривата не е само за бензинот. Сѐ повеќе се зборува за алтернативи на дизелот, меѓу кои се издвојува маслото од репка.

Експертите истакнуваат дека ова гориво е многу блиску до дизелот по квалитет. Иако има малку помала енергетска вредност на литар, поради поголемата густина е речиси еднаква. Покрај тоа, дизел моторите генерално можат да работат на растителни масла.