30-годишната манекенка не коментирала за случајот со месеци, но сега го прекинала молчењето одговарајќи на коментарот на еден следбеник на Инстаграм.

Споменување во имејл од 2015 година

Името на Џиџи Хадид се појави во размена на имејлови од декември 2015 година помеѓу Џефри Епстин и непознато лице. Во пораката, лицето го прашало Епстин: „Како сестрите Хадид станаа манекенки и заработија толку многу пари?! Не разбирам…“

Според „E! News“, Епстин одговорил: „Знаеш“.

Лицето одговорило: „Таткото ја платил агенцијата“, на што Епстин напишал „не“, а потоа додал: „Бидејќи ги следат упатствата, толку е едноставно“.

Одговор на Инстаграм

По месеци молчење, Хадид решила да реагира. Причината била коментар на една од нејзините последни објави на Инстаграм, во кој корисникот напишал: „Престанав да те следам затоа што не зборуваш за тие документи, Џиџи“.

Манекенката напишала подолг одговор на коментарот.

„Никогаш не сум го сретнала тоа чудовиште“

„Бев ужасната. Ужасно е да читаш некој кој никогаш не си го запознал да зборува така за тебе, особено во овој контекст. Никогаш во животот не сум го сретнала тоа чудовиште. Од таа преписка ми беше очигледно дека се обидувал да ги земе заслугите за кариерите на другите луѓе за да ги манипулира своите жртви, во овој случај лицето што му испраќало имејлови со прашања за мојата кариера“, започнала Хадид.

„Не коментирав ништо бидејќи не сакам да ги омаловажувам приказните на неговите вистински жртви. Сепак, твојот коментар ме натера да сфатам дека тоа можеби не е јасно, а важно ми е да се знае: вистината е дека пораснав во привилегирани околности. Но, моите родители ме заштитија и ме научија на вредноста на напорната работа, истата работа што ги донесе во оваа земја и им овозможи да градат кариери“, продолжила таа.

„Мајка ми лично ме водеше на состаноци со агенции во Њујорк непосредно пред мојот 18-ти роденден. Таа самата работеше за две од нив во текот на нејзината кариера, „Мерилинс“ и „Форд“. Се сретнав со околу десет агенции и само „Мерилинс“, „ИМГ“ и можеби уште една ми понудија договор. Потпишав договор со ИМГ во 2012 година и оттогаш работам постојано“, додала манекенката.

„Споменувањето во тие документи – мислам дека имав 20 или 21 година кога бил напишан тој имејл е вознемирувачки. Сакам јасно да ставам до знаење дека никогаш немав никаква врска со тој одвратен човек. Нека гори во пеколот“, заклучила Хадид.