Доколку би морале да гледаат само еден жанр до крајот на животот, многумина би избрале романтични комедии, совршена мешавина од хумор и романса, на кои се враќаме одново и одново, иако се предвидливи. Но, кој е најдобар?
Без разлика дали нормално го гледаме тој жанр или не, секој од нас има барем една романтична комедија што особено му се допаѓа и која секогаш ќе ја гледа до крај кога ќе ја види на телевизија или ќе ја пушти по напорен ден.
Холивуд создаде голем број успешни романтични комедии во изминатите децении, а неодамнешното истражување покажа кои се моментално најпопуларни меѓу гледачите и го издржаа тестот на времето.
За да утврди кои романтични комедии најмногу им се допаѓаат на Американците, филмскиот портал „PixlParade“ спроведе анкета во која учествуваа речиси две илјади луѓе од сите 50 американски држави. Учесниците имаа задача да ги изберат своите омилени „романтични комедии“ објавени во изминатите 50 години.
Класиците сѐ уште се омилени
Листата е составена врз основа на оценките од платформите „Rotten Tomatoes“ и „IMDb“ и листа на романтични комедии кои заработиле најмногу пари во историјата, а потоа испитаниците ги избрале своите омилени.
Се докажало дека класиците сѐ уште се во водство, но имало некои изненадувачки исклучоци на државно ниво, па Луизијана ја покажала својата љубов кон мочуриштето избирајќи го „Shrek“. Сепак, кога сè ќе се собере, на првото место е романтична комедија која често се прогласува за најдобра на сите времиња, иако има „само“ солидна оценка од 7,7 на „IMDb“.
