За работата да биде уште поимпресивна, тоа беше десеттиот гол на Анжиќ на натпреварот од десет обиди.
Во словенечката ракометна лига во средата навечер видовме еден од најубавите голови во историјата на овој спорт. За тоа заслужен е словенечкиот вундеркинд Аљуш Анжиќ.
Стануваше збор за многу важен натпревар во борбата за титулата во Словенија меѓу Крка и Цеље. Анжиќ прво минута и пол пред крајот постигна гол за 30:30. Се чинеше дека Крка има напад за победа, но голема одбрана запиша Гал Габершек, по што играчите на Цеље тргнаа во контранапад, а до крајот останаа само неколку секунди.
Анжиќ одлучи сè да преземе во свои раце и погоди неверојатен скок-шут речиси од половина терен, директно во аголот на голот. Словенецот, кој минатиот месец наполни само 18 години, има навистина „топ“ во раката.
За работата да биде уште поимпресивна, тоа беше десеттиот гол на Аљуш на натпреварот од десет обиди. Словенија има огромен талент во своите редови.
„Екипата на Цеље ја оствари втората победа во лигата за првак и се израмни по бодови со досегашниот лидер Тримо од Требње“, пишува словенечкиот „24ur.com“.
