[ФОТО] Сопругата на словенечкиот премиер привлекува погледи каде и да се појави: Поранешната мисица била покрај него на изборите

Нивната врска е во фокусот на јавноста уште од заедничкото појавување во Ватикан во текот на јануари 2023 година, а веќе наредниот месец потврдија дека се заедно. Се венчаа во 2025 година во Струњан, Словенија.

Тина вчера го придружуваше Голоб при излегувањето на гласање, а нејзиното појавување уште еднаш привлече внимание.

Неодамна се најде среде предизборни препукувања, каде Јернеј Вртовец го обвини нејзиниот сопруг дека пари од државни компании месечно трошел на нејзини посети на фризер и маникир.

Тина на овие тврдења одговори со снимка споделена на социјалните мрежи, велејќи дека според неа ова е школски пример на шовинизам и сексизам.

„Не ја фарбам косата, како што гледате, ретко се шишам, а и да се шишам секој ден, тоа е моја работа. Каде исчезнаа парите на даночните обврзници, господине Вртовец, сè уште не знаеме“, одговори таа.

Габер како студентка по социологија од Љубљана во 2007 година го освои изборот за убавина „Miss Hawaiian Tropic Slovenija“.

По победата, изразила желба да работи на телевизија, а подоцна, по кариерата како Јујтуб влогерка, го водеше најголемото спортско реално шоу во земјата, „Exatlon“.

Исто така е поранешна официјално регистрирана лобистка на Комунистичката партија на Словенија.

Пред Голоб беше во врска со пејачот Јан Плестењак, а кружеа и гласини дека се гледала со поранешниот словенечки министер за транспорт Патрик Влачиќ. Тој беше во брак со Јања Немец, сопственичка на компанијата „Star Solar“.