Новиот болид на „Aston Martin“ не ги исполнува очекувањата, а возачите веќе ги чувствуваат последиците – и тоа воопшто не се наивни.
Најстариот возач во Формула 1, Фернандо Алонсо (44), двократен светски шампион, се пожали дека изгубил чувство во рацете поради новиот болид на „Aston Martin“. Иако болидот го дизајнираше Адријан Њуи, кој важи за еден од најдобрите дизајнери во историјата на Формула 1, новиот модел не е ни приближно она што го очекуваа Алонсо и Строл. Во моментов тие имаат проблеми не само со управувањето и освојувањето бодови, туку и со самото возење.
Двата болиди на „Aston Martin“ поради тоа ја прекинаа трката во Кина, откако возачите се загрижиле и за сопственото здравје, а воедно немало ни логика да продолжат со оглед на тоа што бележеле најслаби резултати.
„Од 20. круг имав проблеми воопшто да чувствувам нешто во рацете и стапалата... Бевме круг зад сите, последни, па немаше смисла да продолжам“, изјави Алонсо, кој издржа трипати повеќе кругови од Строл. Помладиот тимски колега се повлече уште по десет круга поради проблеми со батеријата – што, според информациите, е проблем уште од самиот почеток кај новиот болид на „Aston Martin“.
kek pegel amat tu tangan ampe nyetir lepas tangan
— gussbagus F1 (@gussbagus_f1) March 15, 2026
supra stang geter pakde alonso pic.twitter.com/XjfQOtllHh
„Беше многу тешко, имаше повеќе вибрации отколку на кој било тренинг. Повеќе не можев да возам“, додаде Алонсо, кој дури и за време на трката ги тргаше рацете од воланот за барем кратко да одмори, додека целиот болид се тресеше поради моторот на „Honda“.
„Ако не најдат некаква магија за десет дена, молете се за мене“, изјави Ленс Строл, помладиот возач на „Aston Martin“.
Да потсетиме, новите правила во Формула 1 донесоа големо незадоволство кај поголемиот дел од возачите (со исклучок на „Mercedes“ и „Ferrari“), а впечаток е дека ни навивачите не се воодушевени од тоа како денес изгледа овој спорт, кој претрпе бројни промени и во моментов повеќе наликува на видео-игра отколку на вистинско тркање.
