Експертите истакнуваат дека одговорот е посложен отколку што изгледа и дека газираната вода во повеќето случаи не е штетна, но постојат нијанси што треба да се разберат.

Влијание врз забите: дали навистина ја оштетува глеѓта?

Една од најчестите грижи се однесува на забната глеѓ. Бидејќи содржи јаглеродна киселина, газираната вода може да има благ ерозивен ефект. Сепак, истражувањата покажуваат дека тој ефект е минимален, особено во споредба со засладените газирани пијалаци кои содржат дополнителни киселини и шеќер.

Стоматолозите советуваат газираната вода да се пие со оброк или по консумирањето устата да се исплакне со обична вода, со што дополнително се намалува потенцијалниот ризик.

Има влијание врз варењето и создава чувство на ситост

Интересно е што газираната вода може да има и одредени придобивки за дигестивниот систем. Студиите покажуваат дека може да ја подобри способноста за голтање, особено кај постари лица или кај оние со потешкотии во таа област.

Исто така може да придонесе за подолго чувство на ситост бидејќи го забавува празнењето на желудникот. Сепак, стручњаците нагласуваат дека се потребни дополнителни истражувања за овие ефекти да се дефинираат попрецизно.

Разбивање на митови дека газираната вода ги уништува коските и срцето

Долго време се веруваше дека газираните пијалаци влијаат на намалување на густината на коските, но таа тврдење главно се однесува на пијалаци што содржат фосфорна киселина. Обичната газирана вода нема таков ефект. Напротив, природните минерални газирани води, кои содржат калциум и магнезиум, можат да придонесат за здравјето на коските.

Новите истражувања укажуваат и на можни придобивки за кардиоваскуларниот систем. Студија од 2023 година сугерира дека газираната вода може да го зголеми протокот на крв во одредени артерии, но стручњаците нагласуваат дека овие резултати се прелиминарни и дека се потребни повеќе докази.