Секако тука се различните видови сендвичи, кои се одлични бидејќи можат да се комбинираат на различни начини и да се направат од она што го имаме во фрижидерот во тој момент.

За овој сендвич, кој своевремено стана многу вирален и популарен на социјалните мрежи ќе ви бидат потребни само три состојки и буквално една минута време за да го приготвите.

Состојки:

леб

крем-сирење

маслинки

За да го направите овој едноставен сендвич, земете две кришки леб и обилно премачкајте ги со крем-сирење.

Потоа, земете една дланка маслинки и исечкајте ги на помали парчиња.

Ставете сечкани маслинки врз лебот и затворете го сендвичот. Пресечете го на половина и послужете.

Можете да експериментирате со видовите маслинки, дури и со намазот.

Секогаш ќе добиете вкусен и исклучително едноставен оброк во кој ќе уживате.