Бидејќи аранжманите за време на школските распусти се значително поскапи, неговото видео на социјалните мрежи многумина им послужи како потсетник дека на Канарските острови може да се избега и надвор од сезоната, без да се потроши богатство, пренесуваат британските медиуми.

Прекрасно време среде февруари

Британецот, познат на социјалните мрежи како @tenerifefirstexcursions, објавил видео во кое шета низ туристичкиот дел на Тенерифе, а на снимката се наведува дека тој ден било 24°C.

„Ветерот воопшто не дува. Морето е малку брановито, но покрај крајбрежјето времето е фантастично. Сино небо, сонце, палми, сè како што треба“, изјавил тој. „Ако веќе сте на Тенерифе, го погодивте моментот. А ако допрва доаѓате, ќе уживате.“

Многумина во коментарите пишуваа дека се љубоморни, а наскоро се јавија и други туристи. „Се враќам за две недели, едвај чекам“, напишала една корисничка. „Ние доаѓаме в четврток, ќе бидеме десет луѓе за прославата на 50-тиот роденден“, додал друг. Некој кој веќе е на островот кратко порачал: „Толку е топло што денес изгорев.“ Се јавија и оние кои доаѓаат првпат: „Доаѓаме следниот петок. Едвај чекам повторно да го видам сонцето.“

Температури низ целата година

Тенерифе е познат по блага клима низ целата година. Зиме, дневните температури често се околу 20°C, а кон летото постепено се зголемуваат. Најтопло е во јули и август, кога просечните температури се околу 27 до 28°C, а повторно благо паѓаат кон крајот на годината.

Кога е најдобро да се патува?

Според порталот „Holidays Extra“, најдобар однос помеѓу цените и времето најчесто се добива во пролетните и есенските месеци, особено во март, април и мај, како и во октомври и ноември, со исклучок на периодот околу Велигден.

Во тие месеци температурите ретко паѓаат под 18°C, што е идеално за прошетки, планинарење и излети, а плажите се значително порелаксирани отколку среде лето. Најголемите гужви и највисоките цени обично се во јули и август, како и за време на велигденските празници, што се поклопува со школскиот распуст.

Летните месеци особено ги привлекуваат оние кои доаѓаат поради ноќниот живот, забава на плажите и фестивали. Февруари е исто така популарен, бидејќи тогаш на Тенерифе се одржува голем карневал, често опишуван како еден од најголемите во светот. Големи гужви има и околу Божиќ и Нова година. Затоа, оние кои сакаат забави и гужва веројатно ќе потрошат повеќе отколку оние кои бараат посмирен одмор.