Обид да го сними озлогласениот остров

Видеото е објавено на јутјуб каналот на Григ во јануари, непосредно пред американското Министерство за правда да ги објави најновите документи поврзани со Епстин.

Иако во тие документи се спомнуваат голем број познати имиња, тоа не го обесхрабрило инфлуенсерот со сите средства да се обиде да стигне до островот.

Григ отпатувал таму, каде после неколку неуспешни обиди, последниот ден од престојот заедно со пријателите го извел завршниот обид да стигне до имотот.

Новиот сопственик планира да изгради ресорт

Видеото кое е објавено на јутјуб открива дека на островот и натаму се наоѓаат луѓе. Григ објаснува дека години по смртта на Епстин, додека го чекал судењето по обвиненија за трговија со луѓе и сексуална експлоатација, островот на крај бил продаден на милијардерот Стивен Декоф.

Декоф најавил дека планира островот да го претворат во ресорт наменет исклучиво за возрасни. Григ успеал да пристигне на крајбрежјето, а во видеото кое досега има над 3,1 милион прегледи, навел дека од крајбрежјето можел да види дека се извршуваат градежни работи. Исто така тврдел дека додека го обиколувал островот со џет-ски, забележал луѓе во голф возила кои го снимиле.

Сепак, не можел слободно да се движи по островот. Успеал да дојде само до плажата, при што, како што навел, нагазил на неколку морски ежови.

Тврди дека го следат, па се извинил

Григ на ТикТок објавил дека го следат црни теренци од марката „Escalade“ кои секојдневно стојат пред неговата куќа.

Во видеото им се извинил на сите кои со својата постапка можеби ги навредил.

„Колку што знам јас, тоа би можеле да бидат пријатели на Џефри Епстин. Ако некого налутив, жал ми е и сакам сето ова да заврши“, порачал јутјуберот.

Самиот островски комплекс го пребарувал и ФБИ по смртта на Епстин. Досега објавени се над три милиони документи кои се дел од „Документите на Епстин“.