Вирално видео, објавено на ТикТок почетокот на јануари од Џеки Гонзалез, волонтерка во „Valley Animal Center“ во Фресно, Калифорнија, под корисничко име @jjack.iie, ја прикажува Луна како седи во својот бокс, гледа низ вратата и се надева дека секојпат кога вратата ќе се отвори, нејзиното семејство ќе дојде по неа – но тоа никогаш не се случува.
„Се наоѓаме во перспектива – чекање на семејство што никогаш нема да се врати...“, гласи описот на снимката.
Гонзалез за „Newsweek“ изјавила дека Луна е преубав црн питбул со нежна душа и изморено срце, која е предадена во засолништето на околу 9 години и од тогаш полека ја губи волјата.
„Средината во засолништето за неа е пренатрупана, и малку по малку, Луна се повлекува целосно. Можете тоа да го видите во нејзините очи. Збунета е, под стрес и копнее за место каде конечно ќе може да се чувствува безбедно“, рекла Гонзалез.
Преку внимателни и постепено водени запознавања, персоналот на засолништето забележа дека Луна добро функционира со мали кучиња, но не се согласува со поголеми кучиња.
„Она што таа навистина го сака е да биде надвор, да шета, да го чувствува сонцето на грбот и да се движи со своето темпо. Тие моменти откриваат дел од кучето што некогаш било и што сè уште може да биде, без стрес“, додала.
Луна е занемарувана со месеци, не затоа што нема љубов да даде, туку затоа што црните кучиња често се најтешки за вдомување, објаснила Гонзалез.
„Таа трпеливо чека додека другите минуваат покрај неа, несвесни колку може да биде нежна и предана кога се чувствува безбедно. Луна не бара многу, само мирен и разбирачки дом и некој кој ќе гледа подалеку од стигмата и ќе влезе во нејзиното срце“, рекла Гонзалез и додала:
„Доволно долго чекала некој да ја избере и подготвена е да сака со целата своја сила“, заклучила.
Порталот „Paws.org“ објаснува дека црните кучиња и мачки често се вдомуваат поретко од посветлите животни поради долготрајни предрасуди. Тие обично подолго остануваат во засолништата и се соочуваат со поголем ризик од еутаназија. Многумина веруваат дека темните животни се агресивни или тешки за одржување.
Практичните фактори исто така играат улога. Потешко е да се видат во слабо осветлени простории и потешко е да се фотографираат јасно, наведува порталот.
Денес
