Рајан Шерки поседува специјален талент и тоа го покажа уште пред да пристигне во Манчестер Сити, а фамозниот трансфер кој го направи пред Светското клупско првенство само му овозможи да стане уште попопуларен во европската и светска спортска јавност.
Францускиот фудбалер поседува репертоар на потези какви се поретко се среќаваат во модерниот фудбал, нешто што го докажа и вчера на натпреварот против Сандерленд кој можеби беше и негов најдобар откако пристигна во Сити.
Шерки подели две асистенции во победата од 3:0, но онаа втората која му ја сервираше на Фил Фоден беше вистински фудбалски деликатес.
Рајан режираше „рабона магија“ и го прогира соиграчот на сензационален начин, а овој потег е јасна потврда дека Пеп во тимот има играч кој поседува магија во нозете.
🚨 Rabona assist 🚨
— Premier League (@premierleague) December 6, 2025
Take a bow, Rayan Cherki 🤩 pic.twitter.com/aBnOd5vID6
Шпанскиот стручњак не го криеше воодушевувањето од изданието на Шерки, но го предупреди дека „рабона“ потезите не проаѓаат секогаш баш најдобро кај него.
– Шерки е специјален, поседува уникатен квалитет. Понекогаш го обожавате и го сакате, а понекогаш го мразите. Ни помогна со своите потези во завршната третина, тој поседува дарба која му е доделена од неговата мајка и неговиот татко.
– Од него барам да има добри додавање и центаршутеви, не ми е важно дали е рабона, или не. Ако има погрешно додавање со рабона, тоа нема да ми се допадне. Никогаш не сум видел ваков потег ниту од Меси, но Меси е совршен во едноставноста. Меси е најдобриот играч кој ја играл оваа игра и неговиот најголем квалитет е едноставноста. Тој е перфектен во едноставните работи и играчи како Рајан треба да го научат тоа. Шерки е многу млад, ја игра првата сезона со нас, но од првиот ден покажува голема зрелост и огромна доза на самодоверба, – изјави Гвардиола
