Кај некои луѓе боите целосно исчезнале, кај други воопшто не се промениле, а кај третите исчезнале само во делот што потсетува на круг околу црната точка. Во тој круг виделе само беж нијанса, додека на останатиот дел од сликата и понатаму јасно ги разликувале различните бои.
Оваа мозгалка беше објавена на „Gizmo“ профилот на мрежата „Twitter“, со упатство: „Гледај во црната точка десет секунди и боите ќе исчезнат“.
Според објаснувањето, благодарение на оваа оптичка илузија, целата слика би требало да стане беж. „Gizmo“ наведува дека причината е во тоа што човечкото око правилно гледа само мал дел од мрежницата.
„За да ја видиме целата слика, мораме благо да го поместиме окото, а потоа мозокот ги ’составува‘ сите елементи во една целина“, стои во објаснувањето.
So apparently this optical illusion makes this picture do something if you stare at it for more than 10 seconds... pic.twitter.com/K1NfSBKeCL
— 🔰 Gizmo (@Gizmo_Tweets) February 9, 2021
Илузијата ги вознемири корисниците на мрежите
Сликата им се допадна на илјадници луѓе, а некои ја опишаа како „застрашувачка“, бидејќи кај нив се поделила на два дела – лев и десен – што воопшто не го очекувале.
Се појавија и скептични реакции:
„Боите никако не исчезнуваат, без разлика колку долго гледам“, напиша еден корисник.
Додека едни тврдат дека боите им исчезнале, други не забележале никаква промена, а трети виделе промена само во кружниот дел околу црната точка – таму се појавила беж нијанса, додека на останатиот дел од сликата и понатаму разликувале повеќе бои.
„Кај мене боите избледеа како да исчезнуваат, но не исчезнаа целосно“, додаде еден корисник на „Twitter“.
