Група жени уживале во кафе во Босна и Херцеговина. Ништо необично, нели? Но, видеото сепак стана вирално. Погледнете зошто.
Нештата кои не би биле вообичаени на некое друго место, на Балканот се сосема нормални – и токму поради тие особености, регионот има свој непогрешлив шарм.
Посебниот менталитет на луѓето од овие простори често бил – и сè уште е – инспирација за песни, шеги и вирални содржини.
Една од последните вакви содржини е видео од Босна и Херцеговина, снимано напролет, кое сè уште кружи по социјалните мрежи и собира лајкови и коментари.
OVO MORATE VIDJETI!
Samo u BiH! Živjeće ovaj narod😂
Posted by Banjaluka 24 on Sunday, March 16, 2025
„Веќе поминав еден километар, а се свртев само за да го снимам ова“, вели возачот во видеото објавено на „Фејсбук“, а во описот на истото стои: „Само во Босна и Херцеговина! Ќе живее овој народ“.
И што го импресионирало толку многу? Група жени донеле маса и столици на автобуската станица покрај патот во близина на Тузла и направиле импровизирано „кафуле“.
Дали чекале автобус или едноставно ја присвоиле станицата како своја мала тврдина за дружење – не знаеме. Но, знаеме дека такви сцени се ретки и прекрасно го доловуваат духот на Балканот.
Видеото веќе собра повеќе од 1,5 милиони прегледи, речиси илјада (главно воодушевени) коментари и повеќе од 10.000 лајкови.
„Добро кафе во добро друштво секогаш е добар избор – било каде, било кога“, гласи еден коментар кој ја доловува суштината на видеото.
