Истото важи и за пијалаците — најголемите „виновници“ за здравјето на срцето се газираните пијалаци, диеталните газирани пијалаци и алкохолот.

Како што истакнува „Cleveland Clinic“, болестите на срцето во 90 проценти од случаите може да се превенираат со поздрави навики во исхраната и животниот стил, вклучувајќи намален внес на сол, редовно движење и избегнување на пушење.

Иако многумина можеби сметаат дека добро знаат што значи исхрана здрава за срцето, постои еден топол напиток кој често останува незабележан, а кардиолозите го препорачуваат секојдневно. Станува збор за зелениот чај. Лекарите нагласуваат дека зелениот чај го поддржува здравјето на срцето на повеќе начини.

„Антиоксидансите можат да спречат или поправат оштетувања на клетките предизвикани од слободните радикали“, објаснуваат за „Parade“, наведувајќи дека слободните радикали се поврзани со воспаленија кои ги влошуваат срцевите заболувања.

Друг кардиолог, д-р Кишан Парик, додава дека консумацијата на зелен чај е поврзана со намалување на крвниот притисок кај лица со хипертензија, исто така благодарение на антиоксидансите. Овие соединенија ги опуштаат крвните садови, им помагаат да се прошират и го подобруваат протокот на крв.

Умереноста е клучна

Д-р Пианко објаснува и дека зелениот чај може да го забрза метаболизмот:

„Зелениот чај може да го поттикне слабеењето со забрзување на метаболизмот“, што е важно бидејќи дебелината е ризик-фактор за срцеви болести. Тој нагласува и дека зелениот чај не содржи калории. Освен тоа, зелениот чај носи и други придобивки, вклучувајќи позитивно влијание врз мозокот — според досегашните истражувања може да ја подобри концентрацијата, расположението и меморијата.

Студиите покажале и дека неговите антиоксиданси помагаат во заштита на коските и спречување на губење на коскената маса.

Сепак, д-р Пианко предупредува на умереност:

„Прекумерното пиење може да поттикне анксиозност и несоница бидејќи зелениот чај содржи кофеин“, потсетува тој, додавајќи дека во случај на дилеми секогаш треба да се консултира лекар, особено ако се пијат лекови.

Кардиолозите нагласуваат дека зелениот чај е само еден дел од поголемата слика. Замената на газираните и диеталните пијалаци со зелен чај е особено корисна, а во постудениот дел од годината овој топол напиток може да стане пријатен секојдневен ритуал.

Кога температурите ќе пораснат, лесно може да се премине на негова ладна верзија.