Ориганото не е само задолжителен зачин во подготовката на пијалаци, тестенини, сосови, чорби, месо, риба и зеленчук – ова мало зелено растение со векови служи и во медицински цели.

Природен извор на моќни антиоксиданти

Ориганото е богато со антиоксиданти кои ги штитат нашите клетки од оксидативен стрес и го забавуваат процесот на стареење. Споевите како карвакрол и тимол придонесуваат во здравјето на кожата, очите, срцето и мозокот, ви помагаат да се чувствувате поенергично и повитално.

Природен антибактериски сојузник

Етеричното масло од оригано е познато по моќното антибактериско дејство. Научните истражувања ја потврдуваат неговата ефикасност против различни бактерии, вклучувајќи ја и Ешерихија коли, чест причинител за труење со храна. Дури и сувото оригано содржи активни супстанции кои го јакнат имунитетот и го штитат дигестивниот тракт.

Борба против воспаленија

Ориганото поседува антифламаторни својства, а неговото етерично масло е особено ефикасно при хронични воспаленија поврзани со артритис, алергии, па дури и Алцхајмерова болест. Локалната примена на екстрактот од оригано може да ги ублажи акните, псоријазата, убодите од инсекти и болките во мускулите.

Поддршка на здравиот дигестивен систем

Ориганото го олеснува варењето на храната така што ги опушта мускулите на дигестивниот систем и помага во одржување на рамнотежата меѓу добрите и лоши бактерии во цревата. Може да помогне при рефлукс и иритации на желудникот.

Природна заштита од вируси

Истражувањата покажуваат дека етеричното масло од оригано може да го забави ширењето на вируси и да ја зголеми отпорноста на организмот, што го прави одличен сојузник во сезоната на настинки и грипови.

Здравје на срцето

Ориганото помага во намалување на нивото на лошиот холестерол, со што се намалува ризикот од срцеви заболувања, инфаркт и мозочен удар. Карвакролот е неговата клучна состојка, ги штити крвните садови и ја подобрува циркулацијата.