Бриони Лео, психолог од Мелбурн, тврди дека децата кои изгледаат премногу зрело за своите години може да бидат изложени на прекумерни притисоци од околината, што, пак, влијае на нивните одлуки во однесувањето. Бриони предупредува дека родителите не треба да поттикнуваат такво однесување или да даваат комплименти на своите деца дека се „зрели за своите години“.

Психолог за „Daily Mail Australia“ предупредува дека пред да се разгледува нивото на зрелост на детето како алармантна состојба, треба да се земат предвид повеќе фактори.

Зошто претераната зрелост кај децата е алармантна?

Бриони вели дека во повеќето случаи кога децата се посозреани од другите деца на нивната возраст, родителите не треба да се грижат. Тврди дека фактори како што се личноста, редоследот на раѓање и когнитивните способности треба да се земат предвид кога се разгледува зрелоста.

Сепак, психологот тврди дека нивото на зрелост може да биде алармантно ако детето претерано се грижи или презема премногу одговорности. „Тоа може да значи дека станале како родители, а причината лежи во фактот што требало да преземат одговорности на рана возраст, бидејќи нивните родители не можеле или не сакале да го направат тоа“, вели Бриони.

Бриони објаснила дека децата можат да станат премногу зрели дури и ако возрасните во нивниот живот не можат да се носат со своите одговорности поради ментални или физички болести, зависности или проблеми со личноста.

Меѓутоа, таа изјавила дека некои деца ќе го направат тоа без разлика на родителите, објаснувајќи дека некои деца може да бидат чувствителни на околината околу себе. Децата можат да реагираат на стресорите од околината, со прекумерна грижа и желба да управуваат со ситуацијата која е надвор од нивната контрола.

Како тоа влијае на детето?

Бриони изјавила дека кај децата кои „прерано созреваат“ можат да настанат одредени проблеми во зрелоста. Проблеми со родителите во зрелата возраст – чувство на анксиозност и гнев поради негативните емоции поврзани со детството.

• Проблеми на работа - преземање премногу одговорности.

• Проблеми во родителството - затоа што не го имале оптималното искуство во детството и имаат силни емоционални реакции на прекретници или ситуации од детството.

• Проблеми во емоционалните односи - може да им биде тешко да се заземат за своите потреби - може да се чувствуваат искористено или да се најдат во ситуација во која се експлоатирани.

• Употреба на супстанци како начин за справување со стрес и анксиозност.

Психологот објаснува дека е важно родителите да бидат отворени и транспарентни во однос на емоционалните реакции на детето и начинот на кој се справува со различни ситуации. Бриони изјавила: „Погрижете се дека вашето дете ќе има можност отворено да сподели со вас како се чувствува, што го загрижува и што сака. Тоа може да значи дека ќе поминете време пред да одите на спиење разговарајќи за денот и сè што се случило.“