Решително маче едноставно влегло во нејзиниот живот и дом, и таа сепак одлучила дека е време за нов член на семејството. Нејзината приказна, споделена на Редит, допре до илјадници луѓе.

Во виралната објава на Редит, жената споделила фотографии од мачката како се сместува во својот нов дом, истражувајќи го мебелот и прозорците како да живеела таму целиот свој живот.

„Не бев подготвена за нова мачка откако ја изгубив едната во јуни 2024 година, а другата овој март. Оваа мачка одлучи дека сме подготвени кога влезе и се смести во нашиот дом. Го крстивме Алберт… Ветеринарот рече дека е здрав и нема микрочип, па претпоставувам дека ќе остане со нас“, напишала таа.

Неочекуван посетител

Сопственичката на новата мачка, која се претстави како Дани, раскажала за „Њузвик“ како започнало сè. Едно утро, додека хранела дива мачка која ги посетувалае повеќе од една година во дворот, таа забележала друга мачка како ја набљудува скриена меѓу чемпрес.

„Почнав да ја викам и ѝго привлеков неговото внимание, а таа почна да мјаука за возврат. Беше слабо мјаукање, па ѝ поставив и чинија со храна. Кога ја внесов внатре, видов дека е мачор, па дури и ми дозволи накратко да го погалам по главата. Другата мачка – ја викаме госпоѓица Сиси – никогаш не ми дозволува да ја погалам, па се чувствував посебно“, раскажала Дани.

Истата вечер, Алберт повторно чекал вечера. Откако јадел, нашол растение мачкина трева во дворот и „полудел“ целосно. Гледајќи колку е среќен, сопругот на Дани почнал да си игра со него. Штом ја отвориле вратата од нивната куќа, мачорот втрчал внатре без двоумење, седнал во кујната и одбил да си замине.

Дана и нејзиниот сопруг немале планови да го задржат, бидејќи нејзиниот сопруг е алергичен на мачки. Нивните починати мачки биле сибирски шумски мачки, раса позната по тоа што се хипоалергични. Двојката ја оставила вратата за мачорот отворена за тој да може да си оди кога сака, но тој решил да спие под нивната кујнска маса.

Официјално член на семејството

Во текот на следните неколку дена, Алберт постојано влегувал и излегувал, а кога на семејството му станало јасно дека има намера да остане, го однеле кај ветеринар на преглед. Потврдено е дека е здрав и нема микрочип, што официјално го прави нов член на домаќинството. Неговото доаѓање имало позитивно влијание и врз другата мачка.

„Госпоѓица Сиси и Алберт се сложуваат навистина добро, а таа ни изгледа многу поотворена откако го донесовме дома, па се надеваме дека наскоро ќе ни дозволат да ја посвоиме!“, додала Дани.