Некои од тие предмети, кои некогаш биле дел од секојдневниот живот, денес се претворени во вистински реткости и вредни колекционерски парчиња. Носталгијата, реткоста и култниот статус го претворија обичното во исклучително — а некоја од тие стари работи би можела да ви донесе вистинско богатство

Божиќни керамички елки

Овие популарни украси од шеесеттите и седумдесеттите години доживеаја големо враќање. Добро сочувани керамички елки со сите пластични сијалички денес се продаваат по 100 до 300 евра, во зависност од големината и состојбата.

„Pyrex“ садови во боја

Ретро садовите од „Pyrex“ направени од непроѕирно стакло во пастелни бои со препознатливи дезени, како „Amish Butterprint“ или „Gooseberry“, се многу популарни меѓу колекционерите. Цената на комплет садови може да достигне и до 300 евра, додека најретките модели, како „Lucky in Love“, биле продавани за повеќе од 4.000 евра.

Стари шишенца за парфеми

Елегантните стаклени шишиња за парфеми од почетокот на 20 век, изработени од дувано стакло или кристал, денес се исклучително ценети поради својата убавина. Некои примероци се продадени на аукции за повеќе од 7.000 евра.

Грамофонски плочи

Првото издание на албумот на „The Beatles“ — „White Album“ — со најнизок сериски број било продадено за неверојатни 725.000 евра. Вредноста зависи од реткоста, состојбата и изведувачот, па дури и помалку ретки плочи можат да вредат неколку стотици евра.

Винтиџ маици на бендови

Оригиналните маици од турнеи на култни бендови денес се вистински хит меѓу колекционерите. Маицата на „Nirvana“ е продадена за 6.400 евра, а оние со ликови на „The Beatles“ или „Led Zeppelin“ достигнуваат и до 18.000 евра.

Ретки „Disney“ VHS касети

Иако звучи неверојатно, некои VHS касети со класични „Disney“ цртани филмови, како „Убавицата и ѕверот“ од колекцијата „Black Diamond“, денес на аукции се продаваат за неколку илјади, па дури и стотици илјади евра.

Прво издание на книгата „Harry Potter“

Доколку го поседувате англиското прво издание на „Harry Potter and the Philosopher’s Stone“ во тврд повез, со ознака на редоследот на броевите „10 9 8 7 6 5 4 3 2 1“ на страницата со авторските права — во рацете држите вистинско богатство, вредно и до 50.000 евра.

„Pokémon“ карти

Првите изданија на „Pokémon“ карти од деведесеттите денес можат да вредат вистинско богатство. Холографската карта на Чаризард во совршена состојба е продадена за повеќе од 300.000 евра, додека исклучително ретката Пикачу Илустратор достигнала цена од речиси 5 милиони евра.

„LEGO“ сетови

Старите „LEGO“ сетови, особено оние со возови или замоци, денес се многу барани. Комплетен сет во добра состојба, со оригинална кутија и упатство, лесно може да достигне неколку стотици евра.

Ретки „Beanie Babies“ кадифени играчки

Иако повеќето од овие кадифени играчки денес немаат вредност, некои ретки примероци — како „Peanut the Royal Blue Elephant“ или „Princess the Bear“ — ако се во совршена состојба со оригинални етикети, можат да вредат и до 5.000 евра.

Акциски фигури

Оригиналните фигури на „Power Rangers“ од 1993 година денес се продаваат и до 1.500 евра. Подеднакво се барани и „He-Man“ фигурите, како реткиот „Wun-Dar He-Man“, кој може да достигне цена од неколку стотици евра.

„Polly Pocket“ сетови (пред 1998 година)

Оригиналните сетови на овие ситни кукли, произведени од компанијата „Bluebird Toys“, денес се високо ценети. Ако поседувате неотворен сет од периодот меѓу 1989 и 1998 година, можете да заработите и до 5.500 евра.

Култни стари мобилни телефони

Моделите како „Ericsson T10“ од 1998 година, со надворешна антена, ако се во исправна состојба, можат да достигнат цена од околу 2.000 евра. „Nokia 8810“ од истата година, со оригинално пакување, може да вреди и до 700 евра.

Оригинален „Nintendo Game Boy“

Преносливата конзола „Nintendo Game Boy“, која во 1989 година го освои светот, денес е вистински колекционерски скапоцен камен. Во зависност од сочуваноста, вредноста на оригиналниот модел се движи од 650 до речиси 2.000 еврa.

Првиот „iPhone“

Првиот „iPhone“ (2G или EDGE), претставен во 2007 година, денес е иконичен колекционерски предмет. Ако имате исправен примерок, неговата вредност започнува од 1.000 евра, додека совршено зачуваните, запакувани модели можат да достигнат и повеќе од 11.000 евра. Слично важи и за првата генерација на „Apple iPod“, кој во исправна состојба може да вреди и до 14.000 евра.