И покрај бројните предупредувања, најголемиот дел од луѓето и понатаму премалку време минуваат во движење, пишува „Times of India“.

Неподвижноста – тивка епидемија на 21 век

Според Светската здравствена организација (WHO), четири до пет милиони смртни случаи годишно би можеле да се спречат со само малку повеќе секојдневна физичка активност.

Сепак, реалноста е загрижувачка: еден од четворица возрасни и дури четворица од пет адолесценти не се доволно физички активни.

Премногу време минуваме седејќи — на работа, во автомобил, пред екран — создавајќи тивка епидемија која станува еден од водечките фактори на ризик за незаразни болести.

Зошто е движењето клучно?

Како што пренесува „Times of India“, редовната физичка активност докажано:

• го намалува ризикот од неколку видови карцином за 8 до 28 проценти,

• го намалува ризикот од срцеви заболувања и мозочен удар за 19 проценти,

• го намалува ризикот од дијабетес за 17 проценти,

• го намалува ризикот од депресија и деменција за 28 до 32 проценти.

Британскиот лекар д-р Ранган Чатерџи, со повеќе од 23 години искуство, предупредува:

„Ако сакате добро здравје на мозокот и срцето, и ако сакате да функционирате најдобро додека стареете, мора да го движите вашето тело.“

Тој додава дека ништо не треба да застане меѓу нас и движењето што го одржува телото здраво, пренесува „Index.hr“.

Движењето – најдоброто лекување

Ново истражување објавено во „Canadian Medical Association Journal“ покажало дека физичката активност:

• го намалува ризикот од хронични заболувања,

• ја одржува силата и подвижноста,

• ја продолжува независноста во постара возраст.

Д-р Чатерџи ја споделува и својата лична рутина:

„95 проценти од времето одам пеш најмалку еден час дневно. Тоа е моја свесна одлука.“

Како веднаш да го намалите влијанието на седечкиот животен стил

Експертите советуваат дека промената може да започне веднаш, со мали, но клучни чекори:

• Станете и прошетајте кратко на секои 30 минути

• Паркирајте го автомобилот малку подалеку и пешачете

• Користете ги скалите наместо лифт

• Шетајте додека зборувате по телефон, не седете

Иако изгледа како безначаен совет, движењето е најевтиниот и најефикасен лек што го имаме – оној кој, за разлика од таблетите, нема несакани ефекти, туку само спасува животи.