Градот со убедливо најголем број исклучително богати луѓе, чија нето вредност надминува 30 милиони долари е Њујорк.

Во тој град живеат 21.380 такви жители, што претставува пораст од 23 отсто во однос на 2024 година, се наведува во извештајот којшто ги опфатил податоците.

Њујорк е еден од најголемите светски финансиски центри, па многу припадници на супербогатата елита живеат токму тука затоа што се поблиску до деловните можности. Според извештајот, банкарството и финансиите и натаму се најзастапени занимања меѓу богатите на сите генерации.

На второ место се наоѓа Хонгконг којшто исто така бележи раст во популацијата на ултрабогатите околу 17.215 лица, што е речиси 23 отсто повеќе во самата половина од 2025 година.

Како Њујорк, така и Хонгконг има моќен финансиски сектор. Според податоците на „CNBC“ и платформата „Dealogic“, вкупната вредност на иницијалните јавни понуди на берзата во Хонгконг се зголемила дури осум пати во првите шест месеци од 2025 година, на околу 14 милијарди долари.

Покрај другите светски финансиски центри како Токио и Лондон, останатиот дел од пописот го составуваат исклучиво американски градови. Тоа не е изненадување затоа што САД има три пати повеќе богати луѓе отколку следната земја на листата – Кина, се наведува во извештајот.

Ултрабогатите луѓе поседуваат непроценливо голем дел од светското богатство. Луѓето чија нето вредност надминува 30 милиони долари се 1 отсто од светската популација на милионери, но се речиси третина од вкупното глобално богатство.

Нивниот број исто така расте. Во моментот од објавата на извештајот, во светот живееле околу 510.810 лица со богатство поголемо од 30 милиони долари, а се предвидува до 2030 година тој број да се зголеми на 677.000.

10 светски градови со најмногу богати луѓе

1. Њујорк – 23.380 лица;
2. Хонгконг – 17.215 лица;
3. Лос Анџелес – 11.680 лица;
4. Сан Франциско – 8.270 лица;
5. Чикаго – 7.530 лица;
6. Токио – 6.940 лица;
7. Лондон – 6.660 лица;
8. Далас – 6.530 лица;
9. Вашингтон – 6.460 лица;
10. Хјустон – 5.900 лица.

Каде живеат богатите во Европа?

Врз основа на истиот извештај и анализите на „Henley & Partners“ и „New World Wealth“, најголема концентрација на богатите луѓе во Европа се наоѓа во следните градови:

1. Лондон – 6.660 лица;
2. Париз – 15.900 лица;
3. Женева – 7.000 лица;
4. Цирих – 7.800 лица;
5. Милано – 6.000 лица;
6. Франкфурт – 5.000 лица;
7. Амстердам – 4.500 лица;
8. Мадрид – 4.000 лица;
9. Даблин – 3.800 лица;
10. Барселона – 3.500 лица.

Овие градови се клучни точки за финансискиот, банкарски и луксузен сектор во Европа, а богатите поединци во нив често вложуваат и во недвижнини, уметност и зелена технологија.