Доколку верувате во фенг шуи, древната кинеска филозофија на уредување на просторот, тогаш треба да знаете дека секое растение во домот внесува одредена енергија.

Додека некои, како красулата или дрвото на парите привлекуваат изобилство и среќа, постојат растенија кои внесуваат немир и го блокираат протокот на позитивна енергија.

Најлошото меѓу таквите растенија според верувањата е кактусот.

Зошто кактусот е лош според фенг шуи?

Иако е популарен поради својата отпорност и едноставно одржување, кактусот во фенг шуи симболиката има целосно друго значење.

Во фенг шуи се верува дека острите предмети и растенија со шилести врвови како кактусите создаваат негативна енергија и го блокираат протокот на позитивна енергија.

Неговите боцки се набљудуваат како „енергетски стрели“ кои привлекуваат кавги, недоразбирања и финансиски загуби. Наместо просторот да го исполни со хармонија, ова растение создава напнатост и немир.

Негативно влијание на кактусот на енергијата во домот

Кактусот особено се смета за неповолен доколку го чувате во дневната соба или спалната соба, како и во просториите во кои јадете со семејството затоа што тогаш неговата остра енергија директно влијае на односите меѓу семејството и го нарушува мирниот сон.

Според фенг шуи правилата, присуството на кактусот во домот може да доведе до:

- Финансиски проблеми и одлив на пари.

- Чести несогласувања меѓу семејството.

- Чувство на немир и напнатост во просторот.

Каде да го чувате доколку сакате?

Доколку сакате кактуси, растението според фенг шуи треба да го чувате на тераса, во двор или на даска на прозорец каде неговата енергија ќе може да делува како заштита од надворешните негативни влијанија.