Доколку сте некој којшто ужива во украсување со богати, раскошни ткаенини или внесување природни детали во својот дом, сигурно ќе пронајдете детали кои ќе ви се допаднат сезонава.

Што според дизајнерите ќе биде во тренд есенва?

Кадифе

Есента е во знакот на прифаќањето на удобните материјали, а кадифето е број еден.

„Во текот на последните 10-на години, мислам дека кадифето се сметаше за премногу формално или застарено, но мислам дека слободно можам да кажам дека официјално се врати и изгледа подобро од кога и да е“, вели Кејли Поли, дизајнерка.

Таа додава и дека кадифето во нијанса на скапоцени камења ќе го има својот момент на слава сезонава и тоа на смел и свеж начин.

Постојат толку различни примени на овој материјал, без оглед на тоа дали станува збор за впечатлива софа или неколку декоративни перничиња.

Месинг и стари материјали

Кога станува збор за металите кои може да ги внесете во својот дом есенва, Поли вели дека месингот се врати.

„Некое време, ладните метали како хромот и брусениот никел го имаа својот момент, но во последниве години, живите завршни слоеви, особено месингот, ја презедоа славата“.

Таа оваа промена ја препишува на повторното оживување на традиционалните, класични естетики.

Поли вели дека луѓето се оддалечуваат од ладните соби и сега ги привлекуваат потоплите тонови како античкиот месинг, старите бронзи и полиран бакар. Таа објаснува дека овие завршни слоеви создаваат безвременски изглед во ентериерот.