Кон крајот на 1990-тите, Гвинет Палтроу и Бен Афлек беа еден од најомилените парови во Холивуд. Но, раскинаа по три години врска, а сега е откриено што и пресудило на нивната романса.
Палтроу се опоравуваше од раскинувањето на свршувачката со Бред Пит, додека Афлек минуваше низ тежок период по седумгодишна врска. Се запознаа кон крајот на 1990-тите на вечера организирана од Харви Вајнштајн и набрзо започнаа врска.
Беа заедно до 2000 година, а новата, сè уште необјавена биографија на Гвинет Палтроу, напишана од Ејми Одел, ги открива причините за пропаѓањето на нивната романса. Според извадок објавен од списанието „Пипл“, се чини дека Бен ја изневери Гвинет, и тоа довело до раскинување на врската.
„Нивната физичка хемија не можеше да ги надмине неговите самодеструктивни импулси, кои можеби вклучуваа и неверство“, пишува во биографијата.
Се наведува и дека Гвинет, по раскинувањето со Бен, кој ја привлекол со неговиот интелект, изјавила: „Ги сакам мажите, иако се лажливи и неверни ѓубриња“.
Биографијата го потврдува она што веќе беше познато, а тоа е дека Бен се борел со алкохолизам и зависност од коцкање во текот на нивната врска.
„Нејзините пријатели беа воздржани кон него, бидејќи тој секогаш не ѝ возвраќаше на вниманието. Понекогаш изгледаше повеќе заинтересиран да се дружи со своите пријатели отколку да поминува време со Гвинет“, се вели во биографијата.
Актерката претходно отворено зборуваше за нивниот страствен сексуален живот, но во 2015 година призна дека Бен не бил во можност да биде добар партнер за време на нивната врска.
„Мислам дека моите родители, Брус Палтроу и Блајт Данер, ја ценеа неговата интелигенција и фактот дека беше навистина, навистина талентиран и забавен, но не беше во добра фаза од животот за да има девојка. Мислам дека тие претпочитаа да не бидеме заедно“, рече таа.
Во 2023 година, актерката го спореди Бен со Бред Пит во поткастот „Call Her Daddy“.
„Во тоа време, го сметав Бред за љубовта на мојот живот, некој со кого имам добра хемија, а Бен, од друга страна, беше технички одличен. Не можам да верувам дека мојата ќерка го слуша ова“, рече актерката низ смеа.
Гвинет има ќерка, Епл, и син, Мозес, од бракот со фронтменот на „Колдплеј“, Крис Мартин. Од 2018 година, таа е во брак со сценаристот и режисер Бред Фалчак.
Афлек има два брака зад себе. Неговата последна сопруга беше музичката дива Џенифер Лопез, а од бракот со актерката Џенифер Гарнер има три деца: Вајолет Ен, Серафина Роуз и Самуел.
