Појадокот на Кендал Џенер предизвика дебата меѓу експертите: Целокупниот оброк има само 200 калории

Во среда, манекенката сподели фотографија од својот утрински оброк на Инстаграм, кој потоа предизвика неочекуван интерес и дискусија.

Целиот оброк имал околу 200 калории и е полн со здрави масти кои ѝ помагаат да остане витка. Оброкот се состоел од свежи бобинки како малини, јагоди и капини, кои содржат влакна и витамини.

Се чини дека Кендал додала и мача зелен чај во прав, кој е антиоксиданс и содржи витамин Ц, хром, магнезиум, селен и цинк. Исто така и неколку јаткасти плодови кои содржат здрави масти и малку грчки јогурт, кој е богат со калциум и протеини, го поддржува здравјето на цревата и исто така претставува здрава маст.

Таму беше и „golden milk latte“ - кафе со куркума која му ја дава на овој пијалок неговата позната златна боја. Пристапот на Џенер е во согласност со растечкиот тренд меѓу познатите личности да претпочитаат храна богата со хранливи материи во однос на опциите богати со калории.

Појадокот на Џенер предизвика различни реакции. Некои го фалат поради промовирање дисциплиниран и здрав начин на живот, додека други изразуваат загриженост за потенцијалните импликации од таков нискокалоричен оброк, особено за луѓе со различни нутритивни потреби.

Експертите за исхрана ја нагласуваат важноста на персонализирана исхрана. Она што функционира за една личност, особено за некој со начин на живот и метаболизам како Џенер, можеби не е соодветно за други.

При одредувањето на прехранбените навики, клучно е да се земат предвид фактори како што се нивото на активност, здравствената состојба и личните цели.