Идеален е за пролетните денови, со шолја кафе или како лесен десерт после ручек. Лесно се подготвува, а резултатот е чиста магија.

Состојки за бисквит:

100 гр палента

200 гр шеќер

240 гр бадеми

200 гр путер

2 ќесички ванилин шеќер

½ прашок за печиво

3 јајца

2 лажици рендана кора од портокал

Состојки за шербет:

0,2 л сок од портокал

200 гр шеќер

2 ќесички ванилин шеќер

Подготовка:

Во сокот од портокал додадете обичен и ванилин шеќер, сварете го шербетот и оставете го да се излади. Во длабок сад измешајте ги омекнатиот путер, јајцата и шеќерот. Потоа додадете рендана кора од портокал и ванилин шеќер.

Соединете, па додадете палента, половина прашок за печиво и мелени бадеми. Убаво измешајте за да се соединат состојките. Колачот печете го во рерна на 180 степени околу 30 минути. Откако ќе се испече, колачот прелијте го со изладен шербет, оставете го да отстои па послужете. По желба посипете го со сечкани бадеми.

Извор: Bosanska Kuhinja