Зошто се важни домашните работи за децата?

Истражувањата покажале дека децата кои редовно учествуваат во домашните обврски развиваат подобри организациски вештини, чувство на одговорност и работни навики. Студијата на Универзитетот Харвард покажале дека децата кои биле вклучени во домашни работа од мали нозе покажале повисоки нивоа на независност, подобри односи со врсниците и поуспешни академски и професионални достигнувања подоцна во животот.

Главните предности на вклучувањето на децата во домашните работи:

Развој на одговорност – Кога детето има свои задачи низ куќата, тоа учи како да преземе одговорност за просторот во кој живее и разбира дека домашните работи се дел од семејниот живот.

Јакнење на самодовербата – Кога детето ќе види дека може да придонесе за домаќинството и да добие признание за неговите напори, неговото чувство за постигнување и самодоверба расте.

Развивање на работни навики – Децата кои ја прифаќаат рутината на помагање дома уште од мали нозе полесно ја развиваат дисциплината и работните навики потребни на училиште и подоцна во животот.

Подобра соработка и емпатија – Споделувањето на домашните работи им помага на децата да развијат чувство на заедништво и разбирање за напорот што го вложуваат нивните родители.

Кои домашни работи се соодветни за различни возрасти?

Се разбира, не секоја работа е соодветна за секое дете. Клучно е да се приспособат задачите на возраста и способностите на детето. Еве како можете да ги поделите задачите:

Деца од 2 до 4 години:

Собирање на играчки

Бришење на масата после јадење

Помагање при диплење на облеката

Деца од 5 до 7 години:

Поставање и расчистување на масата

Наводнување растенија

Диплење на сопствената облека

Деца од 8 до 10 години:

Местење на креветот

Помош при подготовка на едноставни оброци

Чистење со правосмукалка и бришење прашина

Деца од 11 години и постари:

Миење садови или ставање садови во машина за миење садови

Помош при готвењето

Фрлање ѓубре и одржување на хигиената на нивната соба

Како да ги мотивирате децата да учествуваат во домашните работи?

Ако вашето дете не е воодушевено од идејата да учествува во домашните обврски, постојат неколку трикови како да го мотивирате:

Направете ги забавните обврските – претворете ги во игра, пуштете музика или направете предизвик да видите кој може најбрзо да ги собере играчките.

Пофалби наместо награди – Децата не треба да очекуваат награда за секоја задача што ќе ја завршат, но можете да им обезбедите пофалби или мали привилегии, како избор на филм за семејна вечер.

Бидете доследни – Ако задолженијата станат рутина, на децата ќе им биде полесно да ги прифатат како дел од нивниот ден.

Дајте им избор – Дозволете им да изберат кои задачи сакаат да ги извршуваат, бидејќи тоа ќе им даде чувство на контрола.