Доколку имате проблеми со варењето, концентрацијата или ви е здодеано од монотони вкусови, овие смути можат да бидат вистинско освежување.

Диететичарот и нутриционист Мекензи Бурџис создаде смути што својата сладост ја должи на зрелите банани, боровинки и урми, а изобилството на растителни хранливи материи доаѓа од кељот, кој е „покриен“ со вкусот на какаото во прав. Бурџис ја препорачува оваа комбинација како утрински оброк.

Утрински оброк: Смути од кељ и чоколадо

Состојки:

• Половина чаша грубо сечкани листови кељ (или спанаќ)

• Половина чаша замрзнати и исечени зрели банани

• 1/4 чаша замрзнати боровинки

• 1/4 чаша јогурт по избор

• 2 урми без семки

• 2 лажички незасладено какао во прав

• 2 лажички темно чоколадо или снегулки

• 1 шолја млеко по избор

Подготовка:

Сите состојки ставете ги во блендер, изблендирајте и истурете ги во чаша. Украсете со уште малку какао и чоколадо.

Темното чоколадо е богато со антиоксиданси и е корисно за здравјето на срцето и мозокот.

За добро варење: Смути со сливи и овесно млеко

Диететичарката и нутриционистка Ејми Горин додава сливи во смути од неколку причини. Тие даваат природна сладост, па не е потребно дополнително засладување, а помагаат и во регулирањето на варењето и спречуваат губење на коскената маса.

Состојки:

• 2 сливи

• Половина чаша овесно млеко

• Половина чаша незасладени замрзнати цреши без семки

• Половина банана

• Половина чаша јогурт

• Половина лажичка путер индиски ореви

• 1 лажичка незасладено какао во прав

Подготовка:

Сите состојки ставете ги во блендер, изблендирајте и истурете ги во чаша.

За добар ум: Смути од боровинки и бадеми

Ова смути, создадено од д-р Деб Кенеди, нутриционист, го подобрува здравјето на телото и умот. Смутито содржи храна која е одлична за мозокот, како цвекло и зелен лиснат зеленчук, кои се најсочни и најслатки во зимските месеци.

Состојки:

• 1 чаша замрзнати боровинки

• Половина чаша јогурт

• 1 до 2 листови магдонос

• 10 индиски ореви или бадеми

• 1 лажица чипс од темно чоколадо

• 1 лажичка незасладено какао во прав

• 1/4 лажичка куркума и прстофат бибер

• 4 или повеќе чаши вода

Подготовка:

Сите состојки ставете ги во блендер, изблендирајте и истурете ги во чаша. Додадете овошје по избор.