Брзи за подготовка, нискокалорични, а вкусни – ќе ве смират и освежат без да го оптоварат вашиот организам.

Крем супа од тиква

Потребни состојки:

• 150 грама компири

• 1 главица кромид

• 300 грама тиква

• 2 лажици кисела павлака

• Сол и бибер

• Вода

• Малку масло

• 50 грама семки од тиква

Подготовка:

Во тенџере загрејте малку масло и пропржете го кромидот. Додадете ги компирите и тиквата исечкани на коцки. Зачинете со сол и бибер, потоа прелијте со вода и варете додека сè не омекне. Потоа испасирајте ја смесата и по желба додадете мајчина душица за дополнителен вкус. При сервирање, додајте павлака и семки од тиква за дополнителна текстура и арома.

Супа од домати

Потребни состојки:

• 500 мл сок од домати

• 2 компири

• 2 моркови

• 1 главица кромид

• Еден куп свеж магдонос

Подготовка:

Пропржете го кромидот на малку масло. Додадете ги компирите и морковите исечкани на парчиња. Прелијте со вода и варете додека зеленчукот не омекне. Испасирајте ја супата, додадете сок од домати и зачинете. Додадете свеж магдонос. Откако ќе зоврие, супата е подготвена за послужување.

Супа од леќа

Потребни состојки:

• 300 грама леќа

• 1 главица кромид

• 300 мл сок од домати

• Неколку моркови

• Сол, бибер, магдонос

Подготовка:

Измијте ја леќата и пропржете ја заедно со кромидот и морковите. Прелијте со вода и варете околу 10 минути. Додадете го сокот од домати и зачините. Оставете ја супата да зоврие и таа е подготвена за послужување.

Со овие три рецепти, ќе го разбудите апетитот без да се чувствувате прејадено. Уживајте во нивната леснотија и вкус!