Иако сите сакаме нашите домови да бидат стилски и удобни, овие грешки можат да остават сосема спротивен впечаток.

Несоодветни завеси

Завесите и ролетните играат важна улога во целокупниот изглед на просторијата, но нивната погрешна димензија може да ја наруши хармонијата. Премногу кратки завеси го спуштаат таванот визуелно, а лошо измерените ролетни делуваат непрактично.

Совет: Завесите треба да се протегаат од таванот до подот за да создадат чувство на висина, а ролетните мора да бидат прецизно прилагодени на големината на прозорецот.

Непропорционален мебел за ТВ

Премала комода за телевизирот во споредба со големината на телевизорот може да изгледа неурамнотежено и да го наруши стилот на собата.

Совет: Комодата за телевизорот секогаш треба да биде поширока од самиот телевизор за да создаде визуелна хармонија. Ако веќе имате несоодветен држач, разгледајте опција за замена или додавање дополнителни елементи кои ќе ја подобрат рамнотежата.

Претерано мешање на стилови

Иако е привлечно да се комбинираат различни стилови, претераното мешање создава хаос наместо хармонија.

Совет: Користете го правилото 70/30. Околу 70 проценти од дизајнот нека бидат во еден доминантен стил, додека останатите 30 проценти може да вклучуваат контрастни детали или украси за дополнителна динамика.

Со избегнување на овие грешки, вашиот дом ќе изгледа елегантно, уредно и ќе остави впечаток на добро осмислен простор.