Поранешниот освојувач на осум Гренд слем титули објасни какви планови има српскиот тенисер.
Одлуката на Рафаел Надал да се повлече од тенисот на крајот на сезоната, по настапот за Дејвис куп тимот на Шпанија, предизвика огромни полемики во светот околу тоа кога Новак Ѓоковиќ ќе објави дека се повлекува.
Рафаел Надал е само една година постар од Новак Ѓоковиќ, а нивното ривалство во изминатите речиси две децении го одбележа светскиот тенис. Со Роџер Федерер, секако. Тениската легенда Џими Конорс смета дека Србинот воопшто не размислува за пензија, без разлика на една од најлошите сезони на која оди кон крајот.
Новак Ѓоковиќ освои се што можеше во текот на кариерата. Неговите резултати и титули се импресивни, особено 24 Гренд слем титули, рекорд кој можеби никогаш нема да биде соборен.
„Тешко ми е да кажам дека имаше пад на мотивацијата бидејќи во текот на денот прави се за да биде што подобар“, изјави легендарниот Џими во последната епизода од поткастот „Advantage Connors“ и продолжи:
„Со неговите тренинзи и исхрана, сè во негово време е фокусирано на тенисот и да биде најдобар што може“.
Повторно, Џими Конорс верува дека биологијата си ја врши работата и дека Ѓоковиќ добро го знае тоа.
„Се обидувам да го кажам тоа на вистински начин. Стареењето е стареење. Има многу млади играчи кои гледаат дека можеби Ѓоковиќ не е тоа што беше. Тој е малку ранлив. Тој не игра баш според стандардите што сме навикнати да го гледаме. Но, тој има игра каква што ми се допаѓа. Има добро враќање, агресивно враќање. Никогаш не можам да го отпишам. Има храброст во играта, интензитет. Тој е како Надал, нема да замине доколку не е подготвен за победа.
Новак Ѓоковиќ е психички силен и не е загрижен за резултатите што ги постигнаа Јаник Синер и Карлос Алкараз.
„Зборуваме за Синер и Алкараз, но единствениот начин на кој Ѓоковиќ ќе каже дека е време да си замине е ако некои од другите мочиња почнат да го победуваат. Во спротивно, ќе продолжи да игра. И не гледам ништо лошо во тоа“, објасни Џими Конорс, човекот кој освои осум Гренд слем титули.
