[ВИДЕО] Ќерката на Бред Пит и Анџелина Џоли се откажала од презимето на татка си? Познатата наследничка во три зборови нагласила што мисли за нејзиниот татко

Поранешниот пар има шест деца, во брак биле од 2014 до 2019 година, а нивниот син Медокс презел слични чекори како неговата сестра.

Имено, оваа 18-годишна студентка на Универзитетот Спелман во Атланта се приклучила на првото црно сестринство во историјата на Алфа Капа Алфа.

На социјалните мрежи сега се шират видеа од иницијацијата, а многу фанови беа изненадени од јавниот настап на Захара. Имено, таа за време на прославата застанала пред поголема група луѓе и гласно рекла: „Се викам Захара Марли Џоли“, со што открила дека се откажала од презимето на нејзиниот татко.

Оние кои го погледнале видеото веднаш почнале да коментираат дека оваа 18-годишна тинејџерка пропуштила да го спомене името на нејзиниот татко Бред Пит, кое вообичаено го носи или барем до сега го носела.

„Не сакав да кажам ништо, но Захара го изостави презимето на нејзиниот татко“, „Ох, Захара рече дека се презива Џоли, а не Џоли-Пит“, се коментирало и се порачало дека ова кажува како „актерот не заслужил да се спомене неговото презиме“.

Некои ја фалат самохраната мајка Анџелина Џоли“: „Захара со сета сила го изговара своето презиме Џоли и многу ми е мило што го гледам ова“.

Многумина не беа изненадени од одлуката на Захара, особено откако Пит на почетокот на годинава изненади со својата реакција на прашање на новинар од магазинот People, кој се интересираше колку е горд на својата ќерка по повод нејзиниот прием на факултет. „Да, прекрасно е. Навистина убава“, кратко прокоментира тој.

„Тие деца не зборуваат со него“

Видеото одекна на социјалните мрежи, а речиси сите заклучиле дека Пит веројатно не бил свесен за овој факт. „Тие деца не зборуваат со него“, „Ова сигурно не го знаел“, „Штотуку дозна“, се само дел од коментарите кои обожавателите ги напишаа на социјалните мрежи.

Многумина веруваат дека Захара го прекинала контактот со својот татко поради браќата Медокс и Пакс, со кои Пит со години нема никаков контакт.

Конфликтот за старателството над децата сè уште трае

Поранешните сопружници сè уште не успеале да се договорат за старателството на нивните шест деца. И покрај тоа што тројцата најстари, Медокс, Пакс и Захара веќе не се малолетни, тие се расправаат кој ќе ги одгледа Вивиен и Нокса (14).

За потсетување, Анџелина Џоли поднела противтужба против Бред Пит во која упатила сериозни обвинувања против нејзиниот поранешен сопруг. Таа детално го опишала она што го дефинирала како злоупотреба во приватен авион во 2016 година.

„Кога едно од децата вербално ја бранеше Анџелина, Пит се нафрли по детето, а Џоли го фати одзади за да го спречи. За да ја симне Џоли од грбот, Пит се фрлил наназад на седиштето од авионот, нанесувајќи и повреди на грбот на Анџелина“, се наведува во документите доставени до судот.

Претставникот на Пит изјавил за Си-Ен-Ен дека наводите „се целосно невистинити и дека Анџелина користи лаги за да ги сврти децата и јавноста против нивниот татко“.