А стилистите предлагаат да започнете од тренди пролетните јакни. Оваа пролет набавете модел кој може да изгледа подеднакво добро со здолниште и со вашите омилени фармерки, некој модел кој можете да го префрлите преку рамена кога температурите нагло ќе пораснат, како и удобен модел кога ќе се одлучите за спортска прошетка.

Штепана јакна

Оваа лесно поставена јакна е идеална за пролетната сезона. Таа ќе ве згрее доволно за пролетните денови, а покрај тоа изгледа модерно.

Блејзер со едно копче

Пастелните нијанси се хит оваа сезона, а блејзерот кој се смета за деловна варијанта, во оваа комбинација со едно копче делува многу лежерно.

Класична тексас јакна

Класичната тексас јакна е вашиот најдобар пријател во текот на постудените пролетни денови. Облечете го вашиот омилен фустан или здолниште и со тексас јакната ќе бидете облечени по најнова мода.

Јакна од твид

Јакните од твид се неопходни оваа сезона, а доколку ја искомбинирате со соодветно здолниште, тоа е полн погодок!

Спортска јакна

Спортските јакни се многу удобни за носење и ви овозможуваат непречено да се движите. Без разлика дали одите на опуштена прошетка или вежбате во природа, спортската јакна е секогаш прв избор кога станува збор за гардеробата.